Fótbolti

Real Madrid búið að kaupa Kovacic

Ingvi Þór Sæmundsson skrifar
Hjá Real Madrid hittir Kovacic fyrir landa sinn Luka Modric.
Hjá Real Madrid hittir Kovacic fyrir landa sinn Luka Modric. vísir/getty
Real Madrid hefur fest kaup á króatíska miðjumanninum Mateo Kovacic frá Internazionale.

Kovacic, sem er 21 árs, skrifaði undir sex ára samning við spænska stórveldið en talið er að hann hafi kostað um 30 milljónir evra.

Kovacic, sem er fæddur í Austurríki, gengst undir læknisskoðun hjá Real Madrid á morgun og að henni lokinni verður hann kynntur til leiks á Santiago Bernabeu, heimavelli félagsins.

Króatinn lék í tvö og hálft tímabil með Inter en hann kom til ítalska liðsins frá Dinamo Zagreb í janúar 2013.

Þrátt fyrir ungan aldur hefur Kovacic leikið 21 landsleik fyrir Króatíu en hann lék með landsliðinu á HM í fyrra.

Real Madrid hefur leik í spænsku úrvalsdeildinni gegn Sporting Gijón á sunnudaginn.

Spænski boltinn

Mest lesið


Fleiri fréttir

Sjá meira


×

Mest lesið