Umfjöllun og viðtöl: Ísland - Makedónía 3-0 | Sjáðu mörkin Ingvi Þór Sæmundsson á Vodafone-vellinum skrifar 11. júní 2015 13:22 Íslenska U-21 árs landsliðið byrjaði undankeppni EM 2017 með öruggum 3-0 sigri á Makedóníu á Vodafone-vellinum í kvöld. Algjör draumabyrjun hjá íslenska liðinu sem spilaði stórvel í seinni hálfleik eftir mjög daufan fyrri hálfleik. Langt er í næsta leik í undankeppninni en þann 5. september mæta Íslendingar liði Frakka á heimavelli. Þremur dögum síðar tekur svo við leikur gegn Norður-Írum, einnig á heimavelli. Fyrri hálfleikurinn var afar tíðindalítill. Ísland var meira með boltann en skapaði sér engin afgerandi færi. Uppspilið var hægt og lítil ákefð í sóknaraðgerðum liðsins. Kantmennirnir, Höskuldur Gunnlaugsson og Ævar Ingi Jóhannesson, voru lítið inni í leiknum en ljósið í sóknarmyrkrinu var Aron Elís Þrándarson sem var líflegur þótt það hafi lítið komið út úr hans aðgerðum. Íslenska vörnin spilaði mjög framarlega og Makedónarnir voru með einfalda leikáætlun en þeir reyndu ítrekað að stinga boltanum inn fyrir. Það munaði oft litlu að framherjar gestanna slyppu í gegn og það gerðist á 8. mínútu þegar Marjan Radeski komst í gegn en miðvörðurinn Daníel Leó Grétarsson elti hann uppi og komst fyrir skotið. Íslenska liðinu gekk betur að eiga við þessar stungusendingar eftir því sem leið á fyrri hálfleikinn og fyrir utan þetta eina færi ógnuðu gestirnir ekki neitt. Elías Már Ómarsson átti hættulegustu tilraun Íslendinga á 32. mínútu þegar skot hans frá vítateig fór yfir eftir að Böðvar Böðvarsson renndi boltanum til hans úr aukaspyrnu. Staðan var markalaus í hálfleik en það var allt annað íslenskt lið sem mætti til leiks í seinni hálfleik. Fyrstu mínúturnar voru reyndar rólegar en á 55. mínútu braut Elías Már ísinn með góðum skalla eftir frábæra fyrirgjöf Böðvars frá vinstri. Markið kom nánast upp úr þurru en eftir það óx íslenska liðinu ásmegin og það keyrði hreinlega yfir gestina. Aron Elís var góður í fyrri hálfleik en frábær í þeim seinni og var yfirburðamaður á vellinum. Aron virðist kunna vel við sig á Vodafone-vellinum en hann átti einnig magnaðan leik þegar Víkingur vann Val, 1-2, á þessum sama velli í Pepsi-deildinni í fyrra. Eina sem vantaði hjá Aroni í kvöld var að skora en hann skorti ekki færin til þess. Hann lagði hins vegar upp annað mark Íslands á 61. mínútu þegar hann fann Höskuld inni í teignum og Blikinn setti boltann af öryggi í markið framhjá Damjan Siskovski, markverði Makedóníu. Höskuldur, sem hefur spilað frábærlega með Breiðabliki í upphafi móts, vaknaði heldur betur til lífsins í seinni hálfleik og hann kom Íslandi í 3-0 á 67. mínútu með sínu öðru marki, sem var í glæsilegri kantinum. Hann fíflaði þá varnarmenn gestanna, nánast á endalínunni, og skoraði svo úr þröngu færi. Staðan 3-0 og leik lokið. Makedónar fengu sitt besta færi á 82. mínútu en Rúnar Alex Rúnarsson varði vel frá varamanninum Jasir Asani. Íslenska liðið fékk tækifæri til að bæta við forystuna - þau bestu féllu í skaut Víkinganna Arons og Viktors Jónssonar - en fleiri urðu mörkin ekki. Öruggur sigur Íslands staðreynd sem gefur góð fyrirheit fyrir framhaldið.Höskuldur: Töluðum um að detta ekki niður á þeirra plan "Þetta er draumabyrjun og þessi leikur hefði hæglega getað endað fjögur, fimm núll, og það var mikilvægt að halda markinu hreinu," sagði Höskuldur Gunnlaugsson eftir öruggan 3-0 sigur íslenska U-21 árs landsliðsins á Makedóníu í kvöld. Höskuldur skoraði tvö marka Íslands en þetta voru hans fyrstu mörk fyrir U-21 árs landsliðinu, í hans öðrum landsleik. "Við vorum svolítið ragir í byrjun, bæði varnar- og sóknarlega en við náðum að stilla okkur af í seinni háfleik, komum fullir sjálfstrausts til leiks og fórum að spila boltanum," sagði Höskuldur en hvað breyttist hjá íslenska liðinu í seinni hálfleik eftir fremur rólegar fyrstu 45 mínútur. "Við erum tiltölulega nýkomnir saman og vorum að þreifa fyrir okkur í fyrri hálfleik. Í þeim seinni þorðum við að spila boltanum og taka góð hlaup. "Í hálfleik töluðum við um að detta ekki niður á þeirra plan. Mér fannst við geta gert miklu meira sem og við gerðum síðan í seinni hálfleik og keyrðum yfir þá," sagði Höskuldur sem var að vonum ánægður með mörkin tvö. "Þetta var algjör draumur og gaman að skora tvö fyrir framan fullt af áhorfendum sem voru mættir á völlinn." Höskuldur hefur byrjað tímabilið með Breiðabliki gríðarlega vel og segist fullur af sjálfstrausti. "Því fleiri leiki sem maður spilar á hærra getustigi því betur aðlagast maður og þorir fyrir vikið að gera fleiri hluti. Þessi reynsla er að hjálpa mér," sagði Höskuldur að lokum.Aron Elís: Er allur að koma til Aron Elís Þrándarson átti stórleik þegar Íslands vann öruggan 3-0 sigur á Makedóníu í fyrsta leik sínum í undankeppni EM U-21 árs landsliða í kvöld. Hann var að vonum sáttur með leikinn og spilamennsku íslenska liðsins. "Við stefndum á þetta og það er mikilvægt að byrja mótið vel. Við gerðum það í dag og fengum þrjú stig," sagði Aron og bætti við: "Við þurftum fyrri hálfleikinn til að slípa okkur saman og í þeim seinni fengum við fullt af færum og hefðum hæglega getað sett fleiri. "Þetta var fyrsti alvöru leikurinn okkar saman og við fengum lítinn tíma fyrir leikinn. En þetta eru allt toppstrákar og við gerðum vel í dag." Aron fékk sjálfur góð færi til að skora en tókst ekki. Það pirraði hann þó lítið í ljósi úrslitanna. "Við fengum þrjú stig og það er það sem skiptir máli. Ég náði að leggja upp eitt mark og gerði mitt besta fyrir liðið," sagði Aron sem er að komast á ferðina á ný eftir meiðsli og hefur komið við sögu í tveimur síðustu leikjum Aalesund í Noregi. "Ég er allur að komast í gang. Formið er reyndar ekki 100% en þetta er allt að koma," sagði Aron að lokum. Íslenski boltinn Mest lesið Barcelona þarf tæplega tuttugu milljarða fyrir lok júnímánaðar Fótbolti McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti „Ég táraðist smá“ Sport „Frábært að ná sigri í fyrsta leik og í svona svakalegum leik“ Körfubolti Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti „Svíður mjög mikið að við séum ekki nógu klókar til að klára“ Körfubolti Leeds í úrslit um sæti í ensku úrvalsdeildinni Enski boltinn Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Íslenski boltinn Börsungar styrktu stöðu sína í öðru sæti Fótbolti Fleiri fréttir Bikarmeistarar Víkings í næstu umferð ásamt Keflavík og Fylkir Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira
Íslenska U-21 árs landsliðið byrjaði undankeppni EM 2017 með öruggum 3-0 sigri á Makedóníu á Vodafone-vellinum í kvöld. Algjör draumabyrjun hjá íslenska liðinu sem spilaði stórvel í seinni hálfleik eftir mjög daufan fyrri hálfleik. Langt er í næsta leik í undankeppninni en þann 5. september mæta Íslendingar liði Frakka á heimavelli. Þremur dögum síðar tekur svo við leikur gegn Norður-Írum, einnig á heimavelli. Fyrri hálfleikurinn var afar tíðindalítill. Ísland var meira með boltann en skapaði sér engin afgerandi færi. Uppspilið var hægt og lítil ákefð í sóknaraðgerðum liðsins. Kantmennirnir, Höskuldur Gunnlaugsson og Ævar Ingi Jóhannesson, voru lítið inni í leiknum en ljósið í sóknarmyrkrinu var Aron Elís Þrándarson sem var líflegur þótt það hafi lítið komið út úr hans aðgerðum. Íslenska vörnin spilaði mjög framarlega og Makedónarnir voru með einfalda leikáætlun en þeir reyndu ítrekað að stinga boltanum inn fyrir. Það munaði oft litlu að framherjar gestanna slyppu í gegn og það gerðist á 8. mínútu þegar Marjan Radeski komst í gegn en miðvörðurinn Daníel Leó Grétarsson elti hann uppi og komst fyrir skotið. Íslenska liðinu gekk betur að eiga við þessar stungusendingar eftir því sem leið á fyrri hálfleikinn og fyrir utan þetta eina færi ógnuðu gestirnir ekki neitt. Elías Már Ómarsson átti hættulegustu tilraun Íslendinga á 32. mínútu þegar skot hans frá vítateig fór yfir eftir að Böðvar Böðvarsson renndi boltanum til hans úr aukaspyrnu. Staðan var markalaus í hálfleik en það var allt annað íslenskt lið sem mætti til leiks í seinni hálfleik. Fyrstu mínúturnar voru reyndar rólegar en á 55. mínútu braut Elías Már ísinn með góðum skalla eftir frábæra fyrirgjöf Böðvars frá vinstri. Markið kom nánast upp úr þurru en eftir það óx íslenska liðinu ásmegin og það keyrði hreinlega yfir gestina. Aron Elís var góður í fyrri hálfleik en frábær í þeim seinni og var yfirburðamaður á vellinum. Aron virðist kunna vel við sig á Vodafone-vellinum en hann átti einnig magnaðan leik þegar Víkingur vann Val, 1-2, á þessum sama velli í Pepsi-deildinni í fyrra. Eina sem vantaði hjá Aroni í kvöld var að skora en hann skorti ekki færin til þess. Hann lagði hins vegar upp annað mark Íslands á 61. mínútu þegar hann fann Höskuld inni í teignum og Blikinn setti boltann af öryggi í markið framhjá Damjan Siskovski, markverði Makedóníu. Höskuldur, sem hefur spilað frábærlega með Breiðabliki í upphafi móts, vaknaði heldur betur til lífsins í seinni hálfleik og hann kom Íslandi í 3-0 á 67. mínútu með sínu öðru marki, sem var í glæsilegri kantinum. Hann fíflaði þá varnarmenn gestanna, nánast á endalínunni, og skoraði svo úr þröngu færi. Staðan 3-0 og leik lokið. Makedónar fengu sitt besta færi á 82. mínútu en Rúnar Alex Rúnarsson varði vel frá varamanninum Jasir Asani. Íslenska liðið fékk tækifæri til að bæta við forystuna - þau bestu féllu í skaut Víkinganna Arons og Viktors Jónssonar - en fleiri urðu mörkin ekki. Öruggur sigur Íslands staðreynd sem gefur góð fyrirheit fyrir framhaldið.Höskuldur: Töluðum um að detta ekki niður á þeirra plan "Þetta er draumabyrjun og þessi leikur hefði hæglega getað endað fjögur, fimm núll, og það var mikilvægt að halda markinu hreinu," sagði Höskuldur Gunnlaugsson eftir öruggan 3-0 sigur íslenska U-21 árs landsliðsins á Makedóníu í kvöld. Höskuldur skoraði tvö marka Íslands en þetta voru hans fyrstu mörk fyrir U-21 árs landsliðinu, í hans öðrum landsleik. "Við vorum svolítið ragir í byrjun, bæði varnar- og sóknarlega en við náðum að stilla okkur af í seinni háfleik, komum fullir sjálfstrausts til leiks og fórum að spila boltanum," sagði Höskuldur en hvað breyttist hjá íslenska liðinu í seinni hálfleik eftir fremur rólegar fyrstu 45 mínútur. "Við erum tiltölulega nýkomnir saman og vorum að þreifa fyrir okkur í fyrri hálfleik. Í þeim seinni þorðum við að spila boltanum og taka góð hlaup. "Í hálfleik töluðum við um að detta ekki niður á þeirra plan. Mér fannst við geta gert miklu meira sem og við gerðum síðan í seinni hálfleik og keyrðum yfir þá," sagði Höskuldur sem var að vonum ánægður með mörkin tvö. "Þetta var algjör draumur og gaman að skora tvö fyrir framan fullt af áhorfendum sem voru mættir á völlinn." Höskuldur hefur byrjað tímabilið með Breiðabliki gríðarlega vel og segist fullur af sjálfstrausti. "Því fleiri leiki sem maður spilar á hærra getustigi því betur aðlagast maður og þorir fyrir vikið að gera fleiri hluti. Þessi reynsla er að hjálpa mér," sagði Höskuldur að lokum.Aron Elís: Er allur að koma til Aron Elís Þrándarson átti stórleik þegar Íslands vann öruggan 3-0 sigur á Makedóníu í fyrsta leik sínum í undankeppni EM U-21 árs landsliða í kvöld. Hann var að vonum sáttur með leikinn og spilamennsku íslenska liðsins. "Við stefndum á þetta og það er mikilvægt að byrja mótið vel. Við gerðum það í dag og fengum þrjú stig," sagði Aron og bætti við: "Við þurftum fyrri hálfleikinn til að slípa okkur saman og í þeim seinni fengum við fullt af færum og hefðum hæglega getað sett fleiri. "Þetta var fyrsti alvöru leikurinn okkar saman og við fengum lítinn tíma fyrir leikinn. En þetta eru allt toppstrákar og við gerðum vel í dag." Aron fékk sjálfur góð færi til að skora en tókst ekki. Það pirraði hann þó lítið í ljósi úrslitanna. "Við fengum þrjú stig og það er það sem skiptir máli. Ég náði að leggja upp eitt mark og gerði mitt besta fyrir liðið," sagði Aron sem er að komast á ferðina á ný eftir meiðsli og hefur komið við sögu í tveimur síðustu leikjum Aalesund í Noregi. "Ég er allur að komast í gang. Formið er reyndar ekki 100% en þetta er allt að koma," sagði Aron að lokum.
Íslenski boltinn Mest lesið Barcelona þarf tæplega tuttugu milljarða fyrir lok júnímánaðar Fótbolti McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti „Ég táraðist smá“ Sport „Frábært að ná sigri í fyrsta leik og í svona svakalegum leik“ Körfubolti Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti „Svíður mjög mikið að við séum ekki nógu klókar til að klára“ Körfubolti Leeds í úrslit um sæti í ensku úrvalsdeildinni Enski boltinn Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Íslenski boltinn Börsungar styrktu stöðu sína í öðru sæti Fótbolti Fleiri fréttir Bikarmeistarar Víkings í næstu umferð ásamt Keflavík og Fylkir Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira