Everson semur við KA

KA-menn halda áfram að safna liði í 1. deildinni og hafa nú fengið enn einn leikmanninn.

Nú er liðið búið að semja við enska framherjann Ben Everson en hann hefur spilað með Blikum, Tindastóli og BÍ hér á landi. Hann var á mála hjá liði í Svíþjóð á síðustu leiktíð.

Þessi 27 ára strákur hefur sannað sig hér á landi og er líklegur til afreka fyrir norðan.

KA hefur einnig fengið Elfar Árna Aðalsteinsson frá Blikum, Juraj Grizelj frá Grindavík og Halldór Hermann Jónsson frá Val sem og fleiri.