Ronaldo tekur fram skóna á ný

Einn besti framherji síðari tíma, Brasilíumaðurinn Ronaldo, hefur tilkynnt að hann ætli sér að taka fram skóna á nýja leik og spila með Fort Lauderdale Strikers.

Liðið, sem leikur í bandarísku NASL-deildinni, er að hluta í eigu Ronaldo sem hefur barist við aukakílóin síðan hann hætti á sínum tíma.

Hann hefur sett sér það markmið að koma sér aftur í keppnisform en þessi 38 ára kappi segir þó ólíklegt að hann nái leik í deildarkeppninni í sumar. Hann stefnir á að spila með liðinu í úrslitakeppninni sem hefst í nóvember, komist liðið þangað.

„Þetta mun gerast,“ sagði hann. „Ég hef áður sagt það. En þetta verður aðeins síðar - í úrslitakeppninni.“

Ronaldo á glæsilegan feril að baki. Hann lék með Barcelona, Inter, Real Madrid, AC Milan, Corinthians og var þrívegis valinn knattspyrnumaður ársins. Hann varð heimsmeistari með Brasilíu tvisvar á ferlinum.