Stefán Logi Magnússon skrifaði í dag undir nýjan tveggja ára samning við KR.
Stefán kom til KR fyrir tímabilið 2014 en hann lék áður með liðinu á árunum 2007-09. Stefán lék 19 leiki með KR í sumar en liðið endaði í 3. sæti Pepsi-deildarinnar og komst í bikarúrslit þar sem það tapaði 2-0 fyrir Val.
Stefán hefur alls leikið 82 leiki fyrir KR í efstu deild. Hann varð bikarmeistari með Vesturbæjarliðinu 2008 og 2014.
Þetta eru ekki einu góðu fréttirnir sem stuðningsmenn KR hafa fengið því fyrr í dag skrifaði Indriði Sigurðsson undir tveggja ára samning við félagið. Þá gaf Bjarni Guðjónsson, þjálfari KR, það út að framherjinn Gary Martin yrði áfram í herbúðum liðsins.
