Skytturnar endurheimtu 2. sætið | Sjáðu mörkin

Arsenal endurheimti 2. sætið í ensku úrvalsdeildinni með 0-3 sigri á Watford á Vicarage Road í dag.

Mörkin úr leiknum má sjá hér að neðan.

Nýliðar Watford voru síst lakari aðilinn í fyrri hálfleik en í þeim seinni skinu gæði Arsenal-liðsins í gegn og Skytturnar gerðu út um leikinn með þremur mörkum á 12 mínútna kafla.

Alexis Sánchez braut ísinn á 62. mínútu með sínu sjötta marki í úrvalsdeildinni í vetur. Á 68. mínútu kom Oliver Giroud Arsenal í 0-2, aðeins fjórum mínútum eftir að hafa komið inn á sem varamaður.

Það var svo Aaron Ramsey sem negldi síðasta naglann í kistu Watford þegar hann gerði þriðja markið á 74. mínútu.

Arsenal er sem áður sagði í 2. sæti úrvalsdeildarinnar með 19 stig, tveimur stigum á eftir toppliði Manchester City.

Watford er hins vegar í 14. sæti með 10 stig en nýliðarnir hafa einungis skorað sex mörk í fyrstu níu leikjum sínum.

Watford 0-1 Arsenal Watford 0-2 Arsenal Watford 0-3 Arsenal