Lífið

Leggja á borð fyrir hina nýlátnu áður en gjafirnar eru opnaðar

Kolbeinn Tumi Daðason skrifar
Adriana Maria da Silva Pacheco kann vel við sig á Íslandi.
Adriana Maria da Silva Pacheco kann vel við sig á Íslandi.
„Í Portúgal fæst mjög góður matur og vín. Ég sakna þess og að fá ekki ferska vöru,“ segir grafíski hönnuðurinn Adriana Maria da Silva Pacheco frá Portúgal. Hún hefur búið á Íslandi undanfarin þrjú ár en hún kom til landsins til að ljúka starfsnámi og um leið meistaranámi sínu.

 Adriana er ein 24 íbúa á Íslandi af erlendu bergi brotnu sem eru til umfjöllunar í átakinu  „Við öll - tölum saman, skiljum hvert annað“ sem fjallað hefur verið um á Vísi. Átakið stendur yfir fyrstu 24 daga desember.

 Adriana lýsir jólahefðunum í Portúgal þar sem fjölskylda hennar fer í miðnæturmessu og borðar svo kvöldmat að henni lokinni. Þau leggja á borð fyrir þá sem eru nýlátnir og síðan eru gjafir opnaðar.

Íslendingar tilfinningalega heftir

 Adriana segir auðvelt að hitta fólk á Íslandi og eiga í samskiptum við það. Hlutirnir verði hins vegar erfiðari eftir því sem samskiptin verða nánari.

 „Ég geri yfirleitt grín að þessu og segi að fólkið hérna sé tilfinningalega heft,“ segir Adriana og brosir.

 „Það sem ég held að þið getið lært af Portúgölum er að vera bjartsýnni og vonbetri varðandi framtíðina,“ segir Adriana. „Og opnari fyrir því að kynnast ókunnugum og jafnvel vinum ykkar. Bjóðið fólk út.“

 Íslenskur matur virðist ekki heilla Adriönu en erfitt getur verið að venjast íslenskum matarhefðum. 

 „Maturinn á Íslandi er hræðilegur,“ segir hún og brosir.

 

Þá er komið að þriðja viðtalinu okkar. Adriana Maria da Silva Pacheco frá Portúgal hvetur okkur öll til að kynnast...

Posted by PIPAR\TBWA on Thursday, December 3, 2015

Tengdar fréttir

Ísland var öðruvísi heimur

Hin palestínska Falasteen Abu Libdeh flutti hingað til Íslands frá Jerúsalem árið 1995.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.