Hafa fundið nokkur hundruð líka á flugvellinum í Donetsk

Aðskilnaðarsinnar í austurhluta Úkraínu hafa fundið lík nokkur hundruð manna á flugvellinum í Donetsk. Líkunum hefur nú verið komið í hendur úkraínska stjórnarhersins.

Liðsmenn aðskilnaðarsinnar segjast hafa fundið lík um 375 manna á flugvellinum sem er rústir einar eftir átök síðustu mánaða.

Eduard Basurin, talsmaður aðskilnaðarsinna, segir líkin hafa fundist þann 20. febrúar. „306 líkanna hafa nú verið afhent úkraínska stjórnarhernum.“

Fréttir hafa í dag borist af því að tveir menn, meðal annars ljósmyndari, hafi látist í árás nærri bænum Pesky í austurhluta landsins, þrátt fyrir samkomulag um vopnahlé í landinu sem skrifað var undir fyrir hálfum mánuði.

Engir stjórnarhermenn hafa látist í bardögum síðasta sólarhringinn.

Bæði stjórnarherinn og aðskilnaðarsinnar hafa nú þegar sent frá sér boð um að þeir séu byrjaðir að draga þungavopn sín til baka frá víglínunni.