Jamie Vardy jafnaði met Nistelrooy

Jamie Vardy getur einfaldlega ekki hætt að skora fyrir Leicester en hann gerði eitt mark fyrir liðið í 3-0 sigri á Newcastle í ensku úrvalsdeildinni.

Hann náði því þeim merka áfanga að skora í tíu leikjum í röð og jafnaði þá met Ruud van Nistelrooy. Jamie Vardy kom liðinu yfir undir lok fyrri hálfleiksins. Jose Leonardo Ulloa og Shinji Okazaki bættu síðan við mörkum í þeim síðari.

Everton rústaði Aston Villa, 4-0, en Romelu Lukaku og Ross Barkley gerðu báðir tvö mörk fyrir Everton í leiknum. Þá vann Stoka fínan útisigur á Southampton, 1-0.

Öll úrslit dagsins má sjá hér að neðan.