Neituðu að borga fargjaldið

Líkt og allar helgar ársins þá stóðu lögreglumenn vaktina í nótt og reyndu að passa að allt færi vel fram. Laganna verðir voru kallaðir út í tvígang vegna líkamsárása í nótt og þá þurftu þeir í fjórgang, hið minnsta, að hafa afskipti af farþegum sem neituðu að greiða fargjald fyrir ferð með leigubíl.

Fyrri árás kvöldsins átti sér stað skömmu fyrir miðnætti í Austurbæ. Árásarþoli þurfti að leita aðhlynningar á slysadeild eftir hana. Gerandinn var handtekinn og er hann í haldi vegna rannsóknar málsins.

Skömmu fyrir klukkan fimm barst lögreglunni tilkynning um líkamsárás í miðborginni en þegar lögreglu bar að garði voru bæði gerandi og þolandi á bak og brott.

Einn ökumaður var stöðvaður grunaður um ölvun við akstur.