Ronaldo, Messi, Ospina og Luongo tilnefndir sem bestu knattspyrnumenn heims

Cristiano Ronaldo og Lionel Messi, tveir bestu knattspyrnumenn heims, eru á listanum yfir þá sem geta hreppt gullboltann sem leikmaður ársins hjá FIFA fyrir árið 2015, en listinn, sem á ekki að vera kominn út, var birtur í spænska blaðinu El Mundo Deportivo.

Á hverju ári er gefinn út svona langur listi sem er svo skorinn niður í 23 leikmenn í desember, en eins og alltaf eru nokkur áhugaverð nöfn á listanum.

David Ospina, markvörður Arsenal, sem gerði sig sekan um stór mistök í Meistaradeildinni gegn Olympiacos í vikunni, kemur til dæmis til greina sem besti leikmaður heims.

Ospina sýndi góða frammistöðu með kólumbíska landsliðinu í Suður-Ameríkukeppninni í sumar og er væntanlega á listanum fyrir frammistöðu sína þar. Markverðir á borð við Joe Hart og Gianluigi Buffon, sem varð Ítalíumeistari og spilaði til úrslita í Meistaradeildinni með Juventus, eru ekki á listanum.

Á listanum eru einnig leikmenn á borð við Ganverjann Crhstian Atsu hjá Bournemouth, Giovani dos Santos hjá LA Galaxy og Andrés Guardado hjá PSV. Leikmenn sem verða væntanlega ekki á 23 manna listanum í desember.

Leikmaðurinn sem líklega fæstir þekkja er Ástralinn Massimo Luongo, leikmaður QPR í ensku B-deildinni. Hann kom til QPR fyrir tímabilið frá Swindon en var áður á mála hjá Tottenham án þess að spila leik.

Þessi 23 ára gamli miðjumaður er landsliðsmaður Ástralíu sem varð Asíumeistari í ár, en Luongo skoraði í 2-1 sigri Ástrala gegn Suður-Kóreu í úrslitaleiknum.

59 manna listinn:

Claudio Bravo - Barcelona

Javier Mascherano - Barcelona

Andrés Iniesta - Barcelona

Lionel Messi - Barcelona

Ivan Rakitic - Barcelona

Neymar - Barcelona

Luis Suárez - Barcelona

Gareth Bale - Real Madrid

Karim Benzema - Real Madrid

Sergio Ramos - Real Madrid

Cristiano Ronaldo - Real Madrid

Luka Modric - Real Madrid

James Rodríguez - Real Madrid

Toni Kroos - Real Madrid

Giorgio Chiellini - Juventus

Paul Pogba - Juventus

Alvaro Morata - Juventus

Arturo Vidal - Juventus/Bayern

Andrea Pirlo - Juventus/New York City FC

Carlos Tevez - Juventus/Boca Juniors

Robert Lewandowski - Bayern

Arjen Robben - Bayern

David Alaba - Bayern

Thomas Müller - Bayern

Manuel Neuer - Bayern

Wilfried Bony - Manchester City

Yaya Touré - Manchester City

Sergio Agüero - Manchester City

Nicolás Otamendi - Valencia/Manchester City

Kevin de Bruyne - Wolfsburg/Manchester City

Diego Costa - Chelsea

Willian - Chelsea

Thibaut Courtois - Chelsea

Eden Hazard - Chelsea

Edinson Cavani - PSG

Zlatan Ibrahimovic - PSG

Javier Pastore - PSG

Wayne Rooney - Manchester United

David de Gea - Manchester United

Memphis Depay - PSV/Manchester United

David Ospina - Arsenal

Alexis Sánchez - Arsenal

Antoine Griezmann - Atlético Madrid

Jackson Martínez - Porto/Atlético Madrid

Carlos Bacca - Sevilla/Milan

Giovani dos Santos - Villarreal/LA Galaxy

Philippe Coutinho - Liverpool

Son Heung-min - Bayer Leverkusen/Tottenham

Christian Atsu - Everton/Bournemouth

Paolo Guerrero - Flamengo/Corinthians

Eduardo Vargas - QPR/Hoffenheim

Gary Medel - Internazionale

Harry Kane - Tottenham

Alexandre Lacazette - Lyon

Andrés Guardado - PSV

Carlos Sánchez - River Plate

André Ayez - Marseille/Swansea

Massimo Luongo - Swindon/QPR

Shinji Okazaki - Mainz/Leicester