Umfjöllun, viðtöl og myndir: Stjarnan - Zvezda 2005 1-3 | Rússarnir unnu Stjörnustríðið í Garðabænum Kristinn Páll Teitsson á Samsung-vellinum skrifar 7. október 2015 22:00 vísir/anton Rússneska félagið Zvezda vann 3-1 sigur á Stjörnunni í 32-liða úrslitum Meistaradeildar Evrópu í kvöld en Stjörnukonur voru einfaldlega óheppnar að tapa leiknum eftir að hafa fengið færin til að jafna leikinn í seinni hálfleik. Þetta var annað árið í röð sem Stjarnan tók á móti Zvezda, sem þýðir Stjarna á rússnesku, í 32-liða úrslitum Meistaradeildar Evrópu en leik liðanna í fyrra lauk með 5-2 sigri Zvezda. Réðu leikmenn Stjörnunnar ekkert við José Nahi, framherja Zvezda, í fyrra en hún skoraði fjögur af mörkum liðsins í leiknum. Líkt og í leik liðanna í fyrra fékk rússneska félagið sannkallaða draumabyrjun en eftir 13 mínútna leik var staðan orðin 2-0 fyrir gestina. Komu mörk Olha Boychenko og Daryna Apanaschenko eftir klaufagang í vörn Stjörnunnar en hæglega hefði verið hægt að koma í veg fyrir þau. Stjörnukonum tókst að minnka muninn á 28. mínútu með marki frá besta leikmanni liðsins í fyrri hálfleik, Rúnu Sif Stefánsdóttir. Fylgdi hún á eftir skoti Hörpu Þorsteinsdóttir sem Iryna Zvarich réð ekki við í marki rússneska liðsins og setti boltann í autt netið. Rússneska liðið bætti við þriðja marki sínu aðeins þremur mínútum síðar og aftur kom markið eftir klaufagang í vörn Stjörnunnar. Fór skot Nahi af varnarmanni og beint fyrir fætur Olesya Kurochkina sem skoraði af stuttu færi. Stjarnan fékk tvö góð færi til að minnka muninn sitt hvoru megin við hálfleikinn en Iryna í marki rússneska liðsins varði með glæsilegum tilþrifum, fyrst frá Poliönu Barbosa Medeiros og síðar frá Hörpu Þorsteinsdóttir. Harpa fékk annað gott tækifæri á 62. mínútu en skalli hennar af meters færi var varinn af Irynu sem reyndist Stjörnukonum erfið í kvöld. Varði hún nokkrum sinnum til viðbótar úr ágætis færum Stjörnukvenna það sem eftir lifði leiks. Rússneska liðið virtist vera sátt með stöðuna en þær sóttu lítið sem ekkert í seinni hálfleik. Var afar óheppilegt að Stjörnukonur hafi ekki bætt við markinu sem þær þurftu og áttu skilið til þess að gera einvígið meira spennandi. Seinni leikur liðanna fer fram í Perm í Rússlandi á fimmtudaginn næstkomandi en það er ljóst að það verður erfitt fyrir lið Stjörnunnar að vinna upp forskotið ytra.Ásgerður var öflug á miðjunni að vanda í kvöld.Vísir/Anton„Við erum ótrúlega svekktar með lokatölur leiksins, að mínu mati vorum við betri aðilinn í leiknum þrátt fyrir að tapa 1-3 á heimavelli,“ sagði Ásgerður Stefanía Baldursdóttir, fyrirliði Stjörnunnar, svekkt eftir tapið. „Það er grátlegt fyrir jafn reynslumikið lið og við erum með að lenda aftur undir 2-0 á fyrsta korterinu og þetta á einfaldlega ekki að gerast.“ Ásgerður sagði að liðið hefði lagt upp með að stöðva José Nahi í kvöld. „Við ætluðum að liggja aðeins aftar og minnka svæðið fyrir hana til að hlaupa í og mér fannst hún ekki gera neitt í dag. Það opnaði fyrir kantmennina þeirra en við eigum að ráða betur við þetta.“ Ásgerður var óánægð með spilamennsku liðsins í upphafi leiks en liðinu gekk illa að halda bolta og mátti greinilega sjá stress hjá leikmönnum liðsins. „Það er ekki endalaust hægt að skýla sér á bak við taugatrekking. Þetta er þriðja árið í röð sem við keppum í Evrópu og við erum með landsliðsmenn í okkar röðum þannig að við eigum að hrista þetta úr okkur strax.“ Ásgerður sagðist ekki vera búin að gefa upp von um að komast í 16-liða úrslitin. „Við sýndum það í dag að við erum með betra lið en þær og við getum alveg farið til Rússland og unnið þær þar. Við létum markmanninn þeirra líta vel út í dag en hún virðist ekki halda neinum boltum. Við þurfum að vera með meira sjálfstraust fyrir framan markið,“ sagði Ásgerður og bætti við: „Við erum ekki að fara út til þess að fara í skotgrafirnar og halda jafnteflinu. Við ætlum að vinna þennan leik og spila annan leik hér í nóvember.“Anna í baráttunni inn í teignum á Samsung-vellinum í kvöld.Vísir/AntonAnna Björk: Fékk Déjá Vu tilfinningu eftir korter „Þetta var mjög fúlt enda ekki það sem við ætluðum okkur. Við ætluðum ekki að fá á okkur mark heldur að halda hreinu og það var svekkjandi að vera búnar að fá á okkur þrjú mörk á fyrsta hálftímanum,“ sagði Anna Björk Kristjánsdóttir, miðvörður Stjörnunnar, svekkt eftir leikinn. „Þetta var eiginlega allt of líkt byrjun leiksins í fyrra og við ætluðum okkur að gera mun betur. Maður fékk eiginlega bara déjá vu tilfinninguna þegar ég leit á töfluna þegar korter var liðið af leiknum.“ Stjörnuliðinu tókst vel að loka á José Nahi, framherja Zvezda í leiknum en hún skoraði fjögur mörk í leik liðanna í fyrra. „Við tókum eftir því í seinni leiknum í fyrra þar sem hún var ekki með að aðrir leikmenn liðsins stigu upp í fjarveru hennar. Þær gerðu það einnig í kvöld og það þýðir ekkert að taka bara einn leikmann úr umferð í svona leik.“ Þrátt fyrir að vera á heimavelli gekk liði Stjörnunnar illa að halda bolta í upphafi leiks og virtust leikmenn liðsins einfaldlega vera taugatrekktir. „Það var eitthvað stress í hópnum en að mínu mati erum við með nægilega reynslumikla leikmenn til þess að takast á við þetta. Við þurftum að vera kaldar og halda boltanum en við vorum ekki að ná því.“ Stuttu eftir að Rúna Sif minnkaði muninn kom þriðja mark rússneska liðsins en öll mörk gestanna komu eftir klaufagang í varnarlínu Stjörnunnar. „Ég hugsaði þegar við náðum að minnka muninn að við þyrftum að halda markinu hreinu næstu mínúturnar. Við þurfum að verjast betur og vera á tánum og þá fáum við ekki á okkur svona mörk ef við ætlum að komast lengra í þessari keppni.“ Stjarnan fékk færi til þess að minnka muninn en Iryna Zvarich átti stórleik í marki rússneska liðsins. „Við fengum færi í báðum hálfleikjum og stýrðum leiknum allan seinni hálfleikinn þótt þær hafi fengið einhver nokkur færi. Við vorum meira með boltann og vorum að skapa nóg en vorum bara óheppnar að koma ekki inn öðru marki.“ Anna sá fullt af jákvæðum punktum fyrir seinni leik liðanna sem fer fram í Rússlandi í næstu viku. „Við förum út með sjálfstraustið í botni eftir þennan leik þótt að við höfum tapað 3-1 í dag. Við ætlum okkur að sigra og komast áfram, við sáum það í seinni hálfleik að við getum það alveg.“Stjörnukonur fagna hér marki sínu í kvöld.Vísir/antonÓlafur: Getur ekki gefið mörk á þessu stigi keppninnar „Annað árið í röð gefum við þeim ódýr mörk í byrjun en liðið lék vel í 80. mínútur,“ sagði Ólafur Þór Guðbjörnsson, þjálfari Stjörnunnar, eftir leikinn í kvöld. „Þetta var bara sama upplifunin og í fyrra þegar þær komust 2-0 yfir og svara með marki eftir að við skorum mark. Mér fannst hinsvegar leikmennirnir stíga upp og spila mun betur í seinni hálfleik. Þeim tókst vel að loka á rússneska liðið og skapa sér færi en við þurftum að klára þau.“ Ólafur sagði að það væri ekki hægt að gefa mörk þegar væri komið á þetta stig keppninnar. „Það var svekkjandi og dýrt á þessu stigi keppninnar. Þegar þú ert kominn á þetta stig máttu ekki misstíga þig, hvað þá á heimavelli og gefa svona ódýr mörk.“ Ólafur sagðist hafa tekið jákvæða punkta úr leiknum. „Ef við spilum svona í Rússlandi þá gefum við okkur tækifæri og ég hef fulla trú á því að við munum gera það. Við lærðum það frá síðasta ári að loka á framherjann þeirra en við þurfum að loka betur á aðra leikmenn liðsins.“ Íslenski boltinn Mest lesið Uppgjör, viðtöl og myndir: Grindavík-Valur 93-89 | Gulir jöfnuðu metin Körfubolti Hefur fest rætur á Íslandi eftir örlagaríkt símtal Íslenski boltinn Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn Jón Arnar grét það ekki að sjá Daníel slá þrjátíu ára Íslandsmet sitt Sport Uppgjörið: Vestri-Víkingur 1-4 | Öruggur meistarasigur gegn nýliðunum Íslenski boltinn Uppgjör og viðtöl: KA-Fylkir 4-2 | Fyrsti sigur Akureyringa í hús Íslenski boltinn Klopp: Ulla konan mín mun segja mér hvað við erum að fara að gera Enski boltinn Fékk rautt spjald fyrir brot á Sveindísi sem fór meidd af velli Fótbolti Gamli Íslandsvinurinn kraftaverkamaður í Mainz Fótbolti Liverpool staðfestir komu Slot Enski boltinn Fleiri fréttir Kaupstefna Brighton ástæðan fyrir brotthvarfi De Zerbi Völdu Albert í lið ársins Tuchel daðrar við Man United og Chelsea Juventus skoraði þrjú á átta mínútum og bjargaði stigi Tel að ég geti hjálpað liðinu að ná í fleiri sigra Uppgjör og viðtöl: KA-Fylkir 4-2 | Fyrsti sigur Akureyringa í hús „Okkar langar rosalega að klífa upp töfluna“ Hlín á skotskónum og Guðrún vann toppslaginn Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Sverrir Ingi á skotskónum í ótrúlegum leik Liverpool staðfestir komu Slot Víkingarnir fyrrverandi öflugir í Noregi „Hann þekkir mig örugglega betur en ég sjálfur“ Rodri gagnrýnir hugarfar Arsenal manna: Þar liggur munurinn Jafnmörg mörk og rauð spjöld í Vestmannaeyjum Dagný framlengir samning sinn við West Ham Hildur, María og Lára urðu að sætta sig við silfur í bikarúrslitaleiknum Fékk rautt spjald fyrir brot á Sveindísi sem fór meidd af velli Draumainnkoma Sævars Atla breytti leiknum Uppgjörið: Vestri-Víkingur 1-4 | Öruggur meistarasigur gegn nýliðunum Mikel Arteta missti af möguleikanum Klopp: Ulla konan mín mun segja mér hvað við erum að fara að gera 23 ára og búinn að vinna deildina oftar en Rooney, Agüero og Terry Besiktas segist vera að ræða við Mourinho „Rúnar skilur fótbolta og skilur fólk“ Guardiola um framtíðina: Nær því að hætta en vera áfram Mark Quansah fyrir Liverpool bætti markametið Gamli Íslandsvinurinn kraftaverkamaður í Mainz Hefur fest rætur á Íslandi eftir örlagaríkt símtal „Við erum búnir að skrifa okkur í sögubækurnar“ Sjá meira
Rússneska félagið Zvezda vann 3-1 sigur á Stjörnunni í 32-liða úrslitum Meistaradeildar Evrópu í kvöld en Stjörnukonur voru einfaldlega óheppnar að tapa leiknum eftir að hafa fengið færin til að jafna leikinn í seinni hálfleik. Þetta var annað árið í röð sem Stjarnan tók á móti Zvezda, sem þýðir Stjarna á rússnesku, í 32-liða úrslitum Meistaradeildar Evrópu en leik liðanna í fyrra lauk með 5-2 sigri Zvezda. Réðu leikmenn Stjörnunnar ekkert við José Nahi, framherja Zvezda, í fyrra en hún skoraði fjögur af mörkum liðsins í leiknum. Líkt og í leik liðanna í fyrra fékk rússneska félagið sannkallaða draumabyrjun en eftir 13 mínútna leik var staðan orðin 2-0 fyrir gestina. Komu mörk Olha Boychenko og Daryna Apanaschenko eftir klaufagang í vörn Stjörnunnar en hæglega hefði verið hægt að koma í veg fyrir þau. Stjörnukonum tókst að minnka muninn á 28. mínútu með marki frá besta leikmanni liðsins í fyrri hálfleik, Rúnu Sif Stefánsdóttir. Fylgdi hún á eftir skoti Hörpu Þorsteinsdóttir sem Iryna Zvarich réð ekki við í marki rússneska liðsins og setti boltann í autt netið. Rússneska liðið bætti við þriðja marki sínu aðeins þremur mínútum síðar og aftur kom markið eftir klaufagang í vörn Stjörnunnar. Fór skot Nahi af varnarmanni og beint fyrir fætur Olesya Kurochkina sem skoraði af stuttu færi. Stjarnan fékk tvö góð færi til að minnka muninn sitt hvoru megin við hálfleikinn en Iryna í marki rússneska liðsins varði með glæsilegum tilþrifum, fyrst frá Poliönu Barbosa Medeiros og síðar frá Hörpu Þorsteinsdóttir. Harpa fékk annað gott tækifæri á 62. mínútu en skalli hennar af meters færi var varinn af Irynu sem reyndist Stjörnukonum erfið í kvöld. Varði hún nokkrum sinnum til viðbótar úr ágætis færum Stjörnukvenna það sem eftir lifði leiks. Rússneska liðið virtist vera sátt með stöðuna en þær sóttu lítið sem ekkert í seinni hálfleik. Var afar óheppilegt að Stjörnukonur hafi ekki bætt við markinu sem þær þurftu og áttu skilið til þess að gera einvígið meira spennandi. Seinni leikur liðanna fer fram í Perm í Rússlandi á fimmtudaginn næstkomandi en það er ljóst að það verður erfitt fyrir lið Stjörnunnar að vinna upp forskotið ytra.Ásgerður var öflug á miðjunni að vanda í kvöld.Vísir/Anton„Við erum ótrúlega svekktar með lokatölur leiksins, að mínu mati vorum við betri aðilinn í leiknum þrátt fyrir að tapa 1-3 á heimavelli,“ sagði Ásgerður Stefanía Baldursdóttir, fyrirliði Stjörnunnar, svekkt eftir tapið. „Það er grátlegt fyrir jafn reynslumikið lið og við erum með að lenda aftur undir 2-0 á fyrsta korterinu og þetta á einfaldlega ekki að gerast.“ Ásgerður sagði að liðið hefði lagt upp með að stöðva José Nahi í kvöld. „Við ætluðum að liggja aðeins aftar og minnka svæðið fyrir hana til að hlaupa í og mér fannst hún ekki gera neitt í dag. Það opnaði fyrir kantmennina þeirra en við eigum að ráða betur við þetta.“ Ásgerður var óánægð með spilamennsku liðsins í upphafi leiks en liðinu gekk illa að halda bolta og mátti greinilega sjá stress hjá leikmönnum liðsins. „Það er ekki endalaust hægt að skýla sér á bak við taugatrekking. Þetta er þriðja árið í röð sem við keppum í Evrópu og við erum með landsliðsmenn í okkar röðum þannig að við eigum að hrista þetta úr okkur strax.“ Ásgerður sagðist ekki vera búin að gefa upp von um að komast í 16-liða úrslitin. „Við sýndum það í dag að við erum með betra lið en þær og við getum alveg farið til Rússland og unnið þær þar. Við létum markmanninn þeirra líta vel út í dag en hún virðist ekki halda neinum boltum. Við þurfum að vera með meira sjálfstraust fyrir framan markið,“ sagði Ásgerður og bætti við: „Við erum ekki að fara út til þess að fara í skotgrafirnar og halda jafnteflinu. Við ætlum að vinna þennan leik og spila annan leik hér í nóvember.“Anna í baráttunni inn í teignum á Samsung-vellinum í kvöld.Vísir/AntonAnna Björk: Fékk Déjá Vu tilfinningu eftir korter „Þetta var mjög fúlt enda ekki það sem við ætluðum okkur. Við ætluðum ekki að fá á okkur mark heldur að halda hreinu og það var svekkjandi að vera búnar að fá á okkur þrjú mörk á fyrsta hálftímanum,“ sagði Anna Björk Kristjánsdóttir, miðvörður Stjörnunnar, svekkt eftir leikinn. „Þetta var eiginlega allt of líkt byrjun leiksins í fyrra og við ætluðum okkur að gera mun betur. Maður fékk eiginlega bara déjá vu tilfinninguna þegar ég leit á töfluna þegar korter var liðið af leiknum.“ Stjörnuliðinu tókst vel að loka á José Nahi, framherja Zvezda í leiknum en hún skoraði fjögur mörk í leik liðanna í fyrra. „Við tókum eftir því í seinni leiknum í fyrra þar sem hún var ekki með að aðrir leikmenn liðsins stigu upp í fjarveru hennar. Þær gerðu það einnig í kvöld og það þýðir ekkert að taka bara einn leikmann úr umferð í svona leik.“ Þrátt fyrir að vera á heimavelli gekk liði Stjörnunnar illa að halda bolta í upphafi leiks og virtust leikmenn liðsins einfaldlega vera taugatrekktir. „Það var eitthvað stress í hópnum en að mínu mati erum við með nægilega reynslumikla leikmenn til þess að takast á við þetta. Við þurftum að vera kaldar og halda boltanum en við vorum ekki að ná því.“ Stuttu eftir að Rúna Sif minnkaði muninn kom þriðja mark rússneska liðsins en öll mörk gestanna komu eftir klaufagang í varnarlínu Stjörnunnar. „Ég hugsaði þegar við náðum að minnka muninn að við þyrftum að halda markinu hreinu næstu mínúturnar. Við þurfum að verjast betur og vera á tánum og þá fáum við ekki á okkur svona mörk ef við ætlum að komast lengra í þessari keppni.“ Stjarnan fékk færi til þess að minnka muninn en Iryna Zvarich átti stórleik í marki rússneska liðsins. „Við fengum færi í báðum hálfleikjum og stýrðum leiknum allan seinni hálfleikinn þótt þær hafi fengið einhver nokkur færi. Við vorum meira með boltann og vorum að skapa nóg en vorum bara óheppnar að koma ekki inn öðru marki.“ Anna sá fullt af jákvæðum punktum fyrir seinni leik liðanna sem fer fram í Rússlandi í næstu viku. „Við förum út með sjálfstraustið í botni eftir þennan leik þótt að við höfum tapað 3-1 í dag. Við ætlum okkur að sigra og komast áfram, við sáum það í seinni hálfleik að við getum það alveg.“Stjörnukonur fagna hér marki sínu í kvöld.Vísir/antonÓlafur: Getur ekki gefið mörk á þessu stigi keppninnar „Annað árið í röð gefum við þeim ódýr mörk í byrjun en liðið lék vel í 80. mínútur,“ sagði Ólafur Þór Guðbjörnsson, þjálfari Stjörnunnar, eftir leikinn í kvöld. „Þetta var bara sama upplifunin og í fyrra þegar þær komust 2-0 yfir og svara með marki eftir að við skorum mark. Mér fannst hinsvegar leikmennirnir stíga upp og spila mun betur í seinni hálfleik. Þeim tókst vel að loka á rússneska liðið og skapa sér færi en við þurftum að klára þau.“ Ólafur sagði að það væri ekki hægt að gefa mörk þegar væri komið á þetta stig keppninnar. „Það var svekkjandi og dýrt á þessu stigi keppninnar. Þegar þú ert kominn á þetta stig máttu ekki misstíga þig, hvað þá á heimavelli og gefa svona ódýr mörk.“ Ólafur sagðist hafa tekið jákvæða punkta úr leiknum. „Ef við spilum svona í Rússlandi þá gefum við okkur tækifæri og ég hef fulla trú á því að við munum gera það. Við lærðum það frá síðasta ári að loka á framherjann þeirra en við þurfum að loka betur á aðra leikmenn liðsins.“
Íslenski boltinn Mest lesið Uppgjör, viðtöl og myndir: Grindavík-Valur 93-89 | Gulir jöfnuðu metin Körfubolti Hefur fest rætur á Íslandi eftir örlagaríkt símtal Íslenski boltinn Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn Jón Arnar grét það ekki að sjá Daníel slá þrjátíu ára Íslandsmet sitt Sport Uppgjörið: Vestri-Víkingur 1-4 | Öruggur meistarasigur gegn nýliðunum Íslenski boltinn Uppgjör og viðtöl: KA-Fylkir 4-2 | Fyrsti sigur Akureyringa í hús Íslenski boltinn Klopp: Ulla konan mín mun segja mér hvað við erum að fara að gera Enski boltinn Fékk rautt spjald fyrir brot á Sveindísi sem fór meidd af velli Fótbolti Gamli Íslandsvinurinn kraftaverkamaður í Mainz Fótbolti Liverpool staðfestir komu Slot Enski boltinn Fleiri fréttir Kaupstefna Brighton ástæðan fyrir brotthvarfi De Zerbi Völdu Albert í lið ársins Tuchel daðrar við Man United og Chelsea Juventus skoraði þrjú á átta mínútum og bjargaði stigi Tel að ég geti hjálpað liðinu að ná í fleiri sigra Uppgjör og viðtöl: KA-Fylkir 4-2 | Fyrsti sigur Akureyringa í hús „Okkar langar rosalega að klífa upp töfluna“ Hlín á skotskónum og Guðrún vann toppslaginn Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Sverrir Ingi á skotskónum í ótrúlegum leik Liverpool staðfestir komu Slot Víkingarnir fyrrverandi öflugir í Noregi „Hann þekkir mig örugglega betur en ég sjálfur“ Rodri gagnrýnir hugarfar Arsenal manna: Þar liggur munurinn Jafnmörg mörk og rauð spjöld í Vestmannaeyjum Dagný framlengir samning sinn við West Ham Hildur, María og Lára urðu að sætta sig við silfur í bikarúrslitaleiknum Fékk rautt spjald fyrir brot á Sveindísi sem fór meidd af velli Draumainnkoma Sævars Atla breytti leiknum Uppgjörið: Vestri-Víkingur 1-4 | Öruggur meistarasigur gegn nýliðunum Mikel Arteta missti af möguleikanum Klopp: Ulla konan mín mun segja mér hvað við erum að fara að gera 23 ára og búinn að vinna deildina oftar en Rooney, Agüero og Terry Besiktas segist vera að ræða við Mourinho „Rúnar skilur fótbolta og skilur fólk“ Guardiola um framtíðina: Nær því að hætta en vera áfram Mark Quansah fyrir Liverpool bætti markametið Gamli Íslandsvinurinn kraftaverkamaður í Mainz Hefur fest rætur á Íslandi eftir örlagaríkt símtal „Við erum búnir að skrifa okkur í sögubækurnar“ Sjá meira
Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn
Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði Íslenski boltinn