Alltaf stöngin út hjá okkur Henry Birgir Gunnarsson skrifar 20. ágúst 2015 07:00 Fram er aðeins tveimur stigum frá fallsæti í 1. deildinni. vísir/andri marinó „Auðvitað er þetta ekki boðlegt hjá stjórnarmanninum,“ segir Sverrir Einarsson, formaður knattspyrnudeildar Fram, en ótrúlegt atvik átti sér stað á leik Fram og Selfoss á þriðjudag. Þá vatt Viðar Guðjónsson, stjórnarmaður í Fram, sér upp að Pétri Péturssyni, þjálfara liðsins, í miðjum leik og vildi eiga orðaskipti við hann. Pétur tók það óstinnt upp, ýtti Viðari frá sér og sagði honum að „drulla“ sér í burtu. Hvorki Pétur né Viðar vildu ræða málið við íþróttadeild í gær en Viðar ákvað seinni partinn í gær að stíga tímabundið til hliðar sem stjórnarmaður. „Stjórnarmaður á ekkert erindi við þjálfarann meðan á leik stendur. Hann baðst líka afsökunar á þessu eftir leik. Það hefði verið gjörsamlega glórulaust hjá honum að gera þetta á þessum tímapunkti. Ef stjórnarmaður hefur eitthvað að segja við þjálfarann þá á hann að ræða það fyrir leik eða eftir leik.“ Þessi uppákoma kristallar að mörgu leyti ástandið hjá þessu gamla stórveldi. Það er í frjálsu falli og gæti fallið um tvær deildir á tveimur árum. Það er ansi mikið fyrir félag með glæsta sögu og sem vann bikarkeppnina árið 2013.Pétur Pétursson lenti saman við stjórnarmann Fram á þriðjudaginn.vísir/andri marinóFram er aðeins tveimur stigum frá fallsæti í 1. deild og á mjög erfiða leiki eftir. Þar á meðal gegn tveimur efstu liðunum og svo eru útileikir gegn Grindavík og HK. „Þegar menn eru svekktir og fúlir þá eru allir óánægðir. Þetta eru vonbrigði fyrir alla sem að þessu koma. Við erum keppnismenn og okkur líður ekki vel með stöðuna. Þetta er skelfilegt,“ segir Sverrir en hann hefur ekki þorað að hugsa það til enda ef Fram fellur niður í 2. deild. „Það yrði skelfilegt. Ég er reyndar að vinna við sorglega hluti alla daga þannig að ég yrði betur í stakk búinn að taka því en margir aðrir,“ segir formaðurinn kíminn en hann er útfararstjóri. „Ef menn girða sig í brók og taka mannalega á hlutunum þá er þetta hægt. Við höfum líka verið mjög óheppnir og misst fimm menn út á síðustu vikum. Tveir með hettusótt og svo meiðsli. Það dettur líka ekkert með okkur í sumar. Þetta er allt stöngin út að þessu sinni.“ Fram féll úr Pepsi-deildinni síðasta sumar og Bjarni Guðjónsson hætti þá með liðið. Í kjölfarið missti Fram heilt lið frá sér. Sú uppbygging sem átti að vera í gangi var fokin út um gluggann. Þjálfarinn sem tók við, Kristinn R. Jónsson, hætti svo og Pétur Pétursson tók við. „Þetta er búið að vera streð hjá okkur og pirringur kominn í allt hjá okkur. Við megum ekki við því heldur verðum við að standa saman. Það er fullt af stigum í pottinum og við megum ekki við því að hengja haus núna.“Næsti leikur Fram er gegn Þrótti á laugardaginn.vísir/andri marinóFyrir utan öll áföllin á vellinum þá hefur félagið staðið í flutningum upp í Úlfarsárdal. Loksins komið með alvöru heimavöll en mikið vantar upp á aðstöðuna. Það mun líklega taka smá tíma að gera Grafarholtsbúa að Frömurum en Sverrir horfir björtum augum til framtíðarinnar. „Fram hefur verið í fallbaráttu og ströggli í um 25 ár. Við vinnum bikarinn 2013 en borgum með okkur í næsta leik því það mættu svo fáir. Það hafa ekki komið upp leikmenn í mörg ár. Þegar það er ekki hægt að byggja félag upp á heimamönnum þá verður þetta alltaf erfitt. Það er nóg af iðkendum samt og þarf að halda vel utan um unga fólkið okkar. Ef það er gert þá eru okkur allir vegir færir,“ segir Sverrir bjartsýnn og bætir við að fjárhagsstaða deildarinnar sé fín. „Það er svo sannarlega ekki neinn byr með okkur núna heldur blæs hraustlega á móti. Allar brekkur sem eru upp enda með því að maður fer niður. Fram verður ekki lagt niður og við verðum að halda áfram. Nú erum við komnir með heimili líka og erum ekki gestir lengur á „okkar“ heimavelli. Það tekur tíma að koma sér fyrir á nýju heimili. Það tekur tíma að breyta og laga þar til maður verður ánægður. Ég hef trú á því að Framarar verði ánægðir með þetta síðar.“ Pepsi Max-deild karla Mest lesið Bakgarðshlaupið í beinni útsendingu Sport Í beinni: FH - ÍBV | Oddaleikur í Krikanum Handbolti Sigríður Á. Andersen varð Íslandsmeistari Sport Uppgjör og viðtöl: KA-KR 1-1 | Smit stal fyrirsögnunum enn og aftur Íslenski boltinn Markasúpa þegar Liverpool komst á sigurbraut Enski boltinn Búið að fjarlægja auglýsingarnar af gólfinu í Smáranum Körfubolti Féllu á meðan þjálfarinn sem þeir ráku hélt Blackburn uppi Enski boltinn Fengu myndsímtal frá Ed Sheeran í búningsklefanum Enski boltinn Hetja Keflvíkinga hafði aldrei áður skorað svona flautukörfu á ferlinum Körfubolti Uppgjör og viðtöl: Keflavík - Stjarnan 87-78 | Heimakonur einum sigri frá úrslitum Körfubolti Fleiri fréttir Uppgjör: HK - Víkingur 3-1 | Botnliðið lagði meistarana og Arnar sá rautt Leik lokið: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek” „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni „Lítur ekki vel út með Elmar, ég er hræddur um að þetta sé svipað og hjá Eiði“ Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Andrea á batavegi: „Gott fyrir alla að sjá hana brosandi“ Með sjö í þremur: „Kannski margir sem afskrifa mann en mér finnst ég eiga nóg eftir“ „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum FH-ingar kynna besta lið sögunnar Stórleikur á Samsung-vellinum og meistararnir fara í Mosó Rúnar Már fann neistann Eftirminnileg Skotlandsferð FC Sækó: Spiluðu við Celtic og heimsóttu Hampden Park „Við áttum slæman dag og þær góðan dag“ Uppgjörið og viðtöl: Fylkir - Keflavík 4-2 | Nýliðarnir nældu í sigur og eru enn ósigraðir „Ég vil vera þarna uppi að berjast um flest mörk“ „Held að Katla mín fyrirgefi mér þetta alveg“ Uppgjörið og viðtöl: Þór/KA - Þróttur 2-1 | Sandra María algjörlega óstöðvandi Uppgjör: Valur - Víkingur 7-2 | Sýning hjá Amöndu og Nadía skoraði í stórsigri Valskvenna Besta upphitunin: „Finn ekki fyrir pressunni“ Skúrkurinn endaði sem hetjan Sjá meira
„Auðvitað er þetta ekki boðlegt hjá stjórnarmanninum,“ segir Sverrir Einarsson, formaður knattspyrnudeildar Fram, en ótrúlegt atvik átti sér stað á leik Fram og Selfoss á þriðjudag. Þá vatt Viðar Guðjónsson, stjórnarmaður í Fram, sér upp að Pétri Péturssyni, þjálfara liðsins, í miðjum leik og vildi eiga orðaskipti við hann. Pétur tók það óstinnt upp, ýtti Viðari frá sér og sagði honum að „drulla“ sér í burtu. Hvorki Pétur né Viðar vildu ræða málið við íþróttadeild í gær en Viðar ákvað seinni partinn í gær að stíga tímabundið til hliðar sem stjórnarmaður. „Stjórnarmaður á ekkert erindi við þjálfarann meðan á leik stendur. Hann baðst líka afsökunar á þessu eftir leik. Það hefði verið gjörsamlega glórulaust hjá honum að gera þetta á þessum tímapunkti. Ef stjórnarmaður hefur eitthvað að segja við þjálfarann þá á hann að ræða það fyrir leik eða eftir leik.“ Þessi uppákoma kristallar að mörgu leyti ástandið hjá þessu gamla stórveldi. Það er í frjálsu falli og gæti fallið um tvær deildir á tveimur árum. Það er ansi mikið fyrir félag með glæsta sögu og sem vann bikarkeppnina árið 2013.Pétur Pétursson lenti saman við stjórnarmann Fram á þriðjudaginn.vísir/andri marinóFram er aðeins tveimur stigum frá fallsæti í 1. deild og á mjög erfiða leiki eftir. Þar á meðal gegn tveimur efstu liðunum og svo eru útileikir gegn Grindavík og HK. „Þegar menn eru svekktir og fúlir þá eru allir óánægðir. Þetta eru vonbrigði fyrir alla sem að þessu koma. Við erum keppnismenn og okkur líður ekki vel með stöðuna. Þetta er skelfilegt,“ segir Sverrir en hann hefur ekki þorað að hugsa það til enda ef Fram fellur niður í 2. deild. „Það yrði skelfilegt. Ég er reyndar að vinna við sorglega hluti alla daga þannig að ég yrði betur í stakk búinn að taka því en margir aðrir,“ segir formaðurinn kíminn en hann er útfararstjóri. „Ef menn girða sig í brók og taka mannalega á hlutunum þá er þetta hægt. Við höfum líka verið mjög óheppnir og misst fimm menn út á síðustu vikum. Tveir með hettusótt og svo meiðsli. Það dettur líka ekkert með okkur í sumar. Þetta er allt stöngin út að þessu sinni.“ Fram féll úr Pepsi-deildinni síðasta sumar og Bjarni Guðjónsson hætti þá með liðið. Í kjölfarið missti Fram heilt lið frá sér. Sú uppbygging sem átti að vera í gangi var fokin út um gluggann. Þjálfarinn sem tók við, Kristinn R. Jónsson, hætti svo og Pétur Pétursson tók við. „Þetta er búið að vera streð hjá okkur og pirringur kominn í allt hjá okkur. Við megum ekki við því heldur verðum við að standa saman. Það er fullt af stigum í pottinum og við megum ekki við því að hengja haus núna.“Næsti leikur Fram er gegn Þrótti á laugardaginn.vísir/andri marinóFyrir utan öll áföllin á vellinum þá hefur félagið staðið í flutningum upp í Úlfarsárdal. Loksins komið með alvöru heimavöll en mikið vantar upp á aðstöðuna. Það mun líklega taka smá tíma að gera Grafarholtsbúa að Frömurum en Sverrir horfir björtum augum til framtíðarinnar. „Fram hefur verið í fallbaráttu og ströggli í um 25 ár. Við vinnum bikarinn 2013 en borgum með okkur í næsta leik því það mættu svo fáir. Það hafa ekki komið upp leikmenn í mörg ár. Þegar það er ekki hægt að byggja félag upp á heimamönnum þá verður þetta alltaf erfitt. Það er nóg af iðkendum samt og þarf að halda vel utan um unga fólkið okkar. Ef það er gert þá eru okkur allir vegir færir,“ segir Sverrir bjartsýnn og bætir við að fjárhagsstaða deildarinnar sé fín. „Það er svo sannarlega ekki neinn byr með okkur núna heldur blæs hraustlega á móti. Allar brekkur sem eru upp enda með því að maður fer niður. Fram verður ekki lagt niður og við verðum að halda áfram. Nú erum við komnir með heimili líka og erum ekki gestir lengur á „okkar“ heimavelli. Það tekur tíma að koma sér fyrir á nýju heimili. Það tekur tíma að breyta og laga þar til maður verður ánægður. Ég hef trú á því að Framarar verði ánægðir með þetta síðar.“
Pepsi Max-deild karla Mest lesið Bakgarðshlaupið í beinni útsendingu Sport Í beinni: FH - ÍBV | Oddaleikur í Krikanum Handbolti Sigríður Á. Andersen varð Íslandsmeistari Sport Uppgjör og viðtöl: KA-KR 1-1 | Smit stal fyrirsögnunum enn og aftur Íslenski boltinn Markasúpa þegar Liverpool komst á sigurbraut Enski boltinn Búið að fjarlægja auglýsingarnar af gólfinu í Smáranum Körfubolti Féllu á meðan þjálfarinn sem þeir ráku hélt Blackburn uppi Enski boltinn Fengu myndsímtal frá Ed Sheeran í búningsklefanum Enski boltinn Hetja Keflvíkinga hafði aldrei áður skorað svona flautukörfu á ferlinum Körfubolti Uppgjör og viðtöl: Keflavík - Stjarnan 87-78 | Heimakonur einum sigri frá úrslitum Körfubolti Fleiri fréttir Uppgjör: HK - Víkingur 3-1 | Botnliðið lagði meistarana og Arnar sá rautt Leik lokið: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek” „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni „Lítur ekki vel út með Elmar, ég er hræddur um að þetta sé svipað og hjá Eiði“ Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Andrea á batavegi: „Gott fyrir alla að sjá hana brosandi“ Með sjö í þremur: „Kannski margir sem afskrifa mann en mér finnst ég eiga nóg eftir“ „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum FH-ingar kynna besta lið sögunnar Stórleikur á Samsung-vellinum og meistararnir fara í Mosó Rúnar Már fann neistann Eftirminnileg Skotlandsferð FC Sækó: Spiluðu við Celtic og heimsóttu Hampden Park „Við áttum slæman dag og þær góðan dag“ Uppgjörið og viðtöl: Fylkir - Keflavík 4-2 | Nýliðarnir nældu í sigur og eru enn ósigraðir „Ég vil vera þarna uppi að berjast um flest mörk“ „Held að Katla mín fyrirgefi mér þetta alveg“ Uppgjörið og viðtöl: Þór/KA - Þróttur 2-1 | Sandra María algjörlega óstöðvandi Uppgjör: Valur - Víkingur 7-2 | Sýning hjá Amöndu og Nadía skoraði í stórsigri Valskvenna Besta upphitunin: „Finn ekki fyrir pressunni“ Skúrkurinn endaði sem hetjan Sjá meira