Stafsetningarvilla í húðflúri Jóa Laxdal

„Þessu verður breytt," skrifar Jóhann Laxdal á Twitter-síðu sína aðspurður um hvort það eigi ekki að vera stórt s í Stjarnan í húðflúri hans.

Jóhann fékk sér á dögunum húðflúr með söngi Silfurskeiðarinnar, stuðningsmannasveit Stjörnunnar, þar sem þeir syngja um að þeir muni aldrei yfirgefa Stjörnuna.

Stjarnan er þó skrifuð með litlum staf í húðflúri Jóhanns, sem hann er með á höndinni, en margir Twitter-notendur hafa spurt hvort þarna séu ekki um mistök að ræða.

Jóhann svaraði svo í morgun að breytingar væru væntanlegar á húðflúrinu, en hann hyggst breyta litla s-inu í stórt.

Húðflúrið má sjá hér að neðan og einnig lesa frétt Vísis frá því í gær.

Frá Stjörnunni, Ég aldrei vík, Sú tilfinning, Er engu lík @Silfurskeidin #skeidin #reykjavikink pic.twitter.com/YcKb7AU9gm

— Johann Laxdal (@JohannLaxdal) May 15, 2015