Indriði Áki lánaður í Keflavík

Indriði Áki Þorláksson hefur gengið í raðir Keflavíkur sem lánsmaður frá FH út tímabilið í Pepsi-deild karla.

Indriði Áki er nítján ára sóknarmaður sem fór til FH frá Val á miðju sumri í fyrra en hann á að baki 29 leiki með fyrrnefnda félaginu í efstu deild og skorað í þeim níu mörk.

Þetta er góður liðsstyrkur fyrir Keflavík sem missti Elías Má Ómarsson í atvinnumennsku í vetuir en félagið hefur í vetur fengið markvörðinn Stefán Guðberg Sigurjónsson, Kiko Insa, Alexander Magnússon, Guðjón Árna Antoníusson og Hólmar Örn Rúnarsson.