Stressaður þjófur skaut sig óvart

Lögregluyfirvöld í Flórída í Bandaríkjunum segja að maður, sem stal síma af fótgangandi manni, hafi verið svo stressaður á flóttanum að hann skaut sig óvart. Skömmu seinna stöðvaði hann lögregluþjón til að biðja um hjálp.

Hinn 24 ára gamli Lashawn Williams stökk inn í Benz sem var nærri staðnum sem hann varð fyrir slysskotinu. Hann keyrði hratt í burtu en þegar hann byrjaði að finna fyrir sársauka vegna skotsársins stöðvaði hann bílinn.

Samkvæmt Orlondo Sentinel stöðvaði maðurinn lögregluþjón til að biðja um hjálp. Williams var fluttur á sjúkrahús, þar sem gert var að sárum hans en þau reyndust ekki vera lífshættuleg. Hann hefur nú verið ákærður fyrir vopnað rán og bílaþjófnað.