Óvissa í herbúðum One Direction

Einn meðlimur One Direction, frægasta strákabands í heimi, Zayn Malik, hefur yfirgefið tónleikaferðalag þeirra, On The Road Again sem hófst í Ástralíu þann 7. febrúar.

Malik tilkynnti í dag að hann væri á heimleið frá Phuket í Taílandi, þar sem þeir spiluðu í gær og sagði hann ástæðuna vera of mikið álag. 

Líklegast er þó að ástæðan sé sú að í vikunni náðust myndir af Malik og óþekktri ungri stúlku úti á lífinu í Taílandi og þóttu þau vera ansi náin. Malik er hinsvegar trúlofaður Perrie Edwards, einni úr stúlknabandinum Little Mix. 

Urðu aðdáendur One Direction ósáttir við hegðun Malik og má segja að samfélagsmiðlarnir twitter og tumblr hafi logað. 

Malik varð nóg um framhjáhaldsásakanir og skrifaði á twitter að hann elskaði Edwards og að ekkert væri til í sögusögnunum. Hann hefur einnig tilkynnt að hann ætli að snúa aftur til félaga sinna í tónleikaferðalagið þann 28. mars í Jóhannesarborg í Suður Afríku. 

Virðast félagar hans í hljómsveitinni þó vera mjög rólegir yfir þessu og ekki hafa áhyggjur af því að hann snúi ekki aftur, ef marka má myndband sem Liam Payne setti inn á Instagram í kvöld, en þar sem má sjá írann Niall Horan bregða á leik.

Því þarf ekki að óttast að hann muni gera eins og Geri Halliwell í Spice Girls um árið, þegar hún hætti í hjómsveitinni í miðri tónleikaferð. 

I'm 22 years old... I love a girl named Perrie Edwards. And there's a lot of jealous fucks in this world I'm sorry for what it looks like x

— zaynmalik1D (@zaynmalik) March 18, 2015

This should lighten the mood

A video posted by Liam Payne (@fakeliampayne) on Mar 19, 2015 at 10:27am PDT