Fíflaði Ásgeir Börk og skoraði glæsilegt mark

Ungur leikmaður Þróttar, Jón Kaldal, skoraði laglegt mark gegn Fylki í Lengjubikarnum á dögunum.

Hann lyfti þá boltanum smekklega yfir Ásgeir Börk Ásgeirsson, skaut yfir Jóhannes Karl Guðjónsson og boltinn söng svo í netinu.

Mark þessa 18 ára gamla Þróttara dugði ekki til sigurs því Fylkir vann leikinn, 4-1.

Breytti engu þó svo Jóhannes Karl hefði fengið að líta rauða spjaldið á 48. mínútu. Hann fékk tvö gul spjöld fyrir að brjóta á Jóni og svo frænda hans, Vilhjálmi Kaldal, sem voru yngstu leikmenn Þróttar í leiknum.

Markið má sjá hér að ofan.