Gylfi Þór: Erfitt að kveðja Tottenham Tómas Þór Þórðarson skrifar 23. júlí 2014 20:56 Gylfi Þór Sigurðsson hefur yfirgefið Tottenham eftir tvö tímabil í Lundúnum. vísir/getty „Þetta er bara fínt. Það er samt svolítið skrítið að vera nýr leikmaður á stað þar sem maður þekkir allt á alla," segir Gylfi Þór Sigurðsson, landsliðsmaður í knattspyrnu, í samtali við Vísi. Gylfi Þór gekk í kvöld í raðir Swansea á nýjan leik frá Tottenham, en hann skrifaði undir fjögurra ára samning við velska félagið eftir að standast læknisskoðun fyrr í dag. Gylfi var í herbúðum Swansea seinni hluta tímabilsins 2011/2012 og skoraði þá sjö mörk í 18 deildarleikjum, en frammistaða hans þá varð til þess að Tottenham keypti Hafnfirðinginn. Landsliðsmaðurinn var pollrólegur upp á hótelherbergi og nýbúinn að snæða þegar blaðamaður Vísis heyrði í honum hljóðið í kvöld. „Það er svolítið síðan að þetta kom fyrst upp,“ segir Gylfi aðspurður um aðdragandann að vistaskiptunum. „Þetta byrjaði með áhuga frá Swansea sem varð svo alltaf meiri. Þetta hefur aðeins dregist á langinn undanfarna dagana því ég þurfti að ferðast frá Seattle.“Gylfi fagnar marki fyrir Swansea gegn WBA 2012.vísir/gettyGylfi þekkir augljóslega vel til hjá Swansea eftir að hafa dvalið í herbúðum liðsins í hálft ár. Það hefur misst tvo framliggjandi menn í sumar og borgar nú næstdýrustu upphæð í sögu félagsins fyrir Gylfa. Honum er ætlað stórt hlutverk á næstu leiktíð. „Það var einn af þeim hlutum sem spilaði inn í auk þess hvað ég var ánægður hérna síðast og hversu gel gekk. Ég þekki þjálfarann GaryMonk líka vel og þeir sýndu bara mikinn áhuga á að fá mig,“ segir Gylfi, en liðið hefur haldið áfram stefnu sinni að spila fallegan fótbolta og það líkar okkar manni. „Michael Laudrup hélt því áfram og liðið hefur gert það einnig undir stjórn Gary Monk. Það breytist ekkert. Þetta er lið sem vill spila boltanum og vera mikið í stuttum sendingum. Það er bara vonandi að það gangi vel áfram.“Gylfi Þór skoraði mark ársins hjá Spurs á síðustu leiktíð gegn Hull í deildabikarnum.vísir/gettyGylfi var tvö tímabil hjá Tottenham og upplifði góða tíma sem slæma. Hann þurfti að sætta sig við mikla bekkjarsetu á síðustu leiktíð, en hann hefur þó vitaskuld margt gott um Lundúnaliðið að segja. „Þessi tími er búinn að vera fínn. Manni finnst þetta hafa verið lengi að líða þó um séu að ræða aðeins tvö tímabil. Það var frábær upplifun til dæmis að spila í Lundúnaslag á móti Arsenal og Chelsea og að skora á móti Chelsea á heimavelli var frábært. Svo var gaman að spila í Evrópudeildinni og slá þar út lið eins og Inter. Ég átti margar góðar stundir hjá Tottenham og auðvitað er alltaf leiðinlegt að kveðja félag sem maður hefur notið þess að vera hjá. En ég tek þessa ákvörðun af fótboltalegum ástæðum,“ segir Gylfi. „Það yrði leiðinlegt að horfa til baka eftir fótboltaferilinn og hafa eytt of miklum tíma á bekknum. Það er eflaust það versta sem knattspyrnumaður gerir að hætta þannig vonandi fæ ég bara sem flestar mínútur og flesta leiki hjá Swansea.“Gylfi Þór í leik með Tottenham gegn Stoke.vísir/gettyTottenham keypti sæg af miðjumönnum síðustu tvö sumur sem skapaði mikla samkeppni fyrir Gylfa. Ekki hjálpaði til að hann var oft látinn spila úti á vinstri kantinum sem hann viðurkennir fúslega að honum líkar einfaldlega ekki. „Maður vissi auðvitað að samkeppnin yrði mikil, sérstaklega á miðjunni þar sem það gátu 4-5 leikmenn spilað mína stöðu fremst á miðjunni. En að spila á vinstri kantinum pirraði mig meira,“ segir Gylfi. „Eins og flestir vita líður mér best inn á miðjunni. Ég er ekkert þessi fljóta týpa á kantinum sem sprettar framhjá bakverði og negli fyrirgjöf inn á teiginn eins og Gareth Bale eða Andros Townsend. Ég er allt öðruvísi leikmaður. Vonandi fæ ég bara að spila sem númer tíu hjá Swansea eða sem númer átta inn á miðri miðjunni.“Í baráttunni við Rio Ferdinand með Swansea 2012.vísir/gettyTottenham er í æfingaferð í Bandaríkjunum og var Gylfi í Seattle þegar hann þurfti að fljúga til Swansea og ganga frá sínum málum. Hann náði að kveðja flesta leikmenn liðsins. „Þeir voru að fljúga til Toronto þegar ég var að fara þannig ég rétt náði að kveðja þá. Það var samt hefð fyrir því að mínir bestu félagar voru alltaf seldir; strákar eins og GarethBale, Jermaine Defoe og Tom Huddlestone. En við ungu strákarnir í liðinu höfum haldið hópinn og það var leiðinlegt að kveðja þá allt í einu,“ segir Gylfi sem er ekki eini maðurinn sem Swansea hefur keypt í sumar. „Það hafa verið keyptir góðir menn undanfarin ár og það var algjör snilld að fá BafétimbiGomis. Hann er sterkur leikmaður og svo yrði snilld að halda WilfriedBony. Swansea er búið að styrkja sig vel í þessum glugga og vonandi heldur það áfram,“ segir hann. Gylfi þekkir hvern krók og kima í Swansea eftir hálfs árs dvöl þar fyrir tveimur árum, en var eitthvað sérstakt sem hann gerði í kvöld; eitthvað sem hann saknaði? „Ekkert af viti ennþá. Ég fór bara á gamla ítalska veitingastaðinn sem ég fór oft á og fékk mér kjúklingapasta til að taka með upp á hótel,“ segir Gylfi Þór Sigurðsson. Enski boltinn Tengdar fréttir Gylfi Þór orðinn leikmaður Swansea Skrifaði undir fjöggurra ára samning við velska félagið. 23. júlí 2014 18:50 Gylfi Þór dýrasti íslenski knattspyrnumaður sögunnar Íslenski landsliðsmaðurinn verið seldur fyrir samtals fimm milljarða króna. 22. júlí 2014 22:15 Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport „Hún er með hjartagalla en í góðum höndum núna og vonandi fer allt vel“ Íslenski boltinn „Þetta er ekki boðlegt finnst mér“ Körfubolti DeAndre Kane sleppur við bann og spilar í kvöld Körfubolti Lið Aþenu og Brynjar Karl einum leik frá Subway-deildinni eftir spennutrylli Körfubolti Hætti óvænt: Fannst hann skulda fjölskyldunni smá tíma Handbolti Aron Einar og Arnór minnast systur sinnar sem lést langt fyrir aldur fram Sport Clattenburg hættur og segist hafa verið skotmark sérfræðinga Enski boltinn „Varhugavert er að ætla starfsmanni Stöðvar 2 að hafa brugðið talsvert“ Körfubolti Fleiri fréttir Í beinni: Arsenal - Bournemouth | Geta aukið forskotið og sett pressu á City Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Sjá meira
„Þetta er bara fínt. Það er samt svolítið skrítið að vera nýr leikmaður á stað þar sem maður þekkir allt á alla," segir Gylfi Þór Sigurðsson, landsliðsmaður í knattspyrnu, í samtali við Vísi. Gylfi Þór gekk í kvöld í raðir Swansea á nýjan leik frá Tottenham, en hann skrifaði undir fjögurra ára samning við velska félagið eftir að standast læknisskoðun fyrr í dag. Gylfi var í herbúðum Swansea seinni hluta tímabilsins 2011/2012 og skoraði þá sjö mörk í 18 deildarleikjum, en frammistaða hans þá varð til þess að Tottenham keypti Hafnfirðinginn. Landsliðsmaðurinn var pollrólegur upp á hótelherbergi og nýbúinn að snæða þegar blaðamaður Vísis heyrði í honum hljóðið í kvöld. „Það er svolítið síðan að þetta kom fyrst upp,“ segir Gylfi aðspurður um aðdragandann að vistaskiptunum. „Þetta byrjaði með áhuga frá Swansea sem varð svo alltaf meiri. Þetta hefur aðeins dregist á langinn undanfarna dagana því ég þurfti að ferðast frá Seattle.“Gylfi fagnar marki fyrir Swansea gegn WBA 2012.vísir/gettyGylfi þekkir augljóslega vel til hjá Swansea eftir að hafa dvalið í herbúðum liðsins í hálft ár. Það hefur misst tvo framliggjandi menn í sumar og borgar nú næstdýrustu upphæð í sögu félagsins fyrir Gylfa. Honum er ætlað stórt hlutverk á næstu leiktíð. „Það var einn af þeim hlutum sem spilaði inn í auk þess hvað ég var ánægður hérna síðast og hversu gel gekk. Ég þekki þjálfarann GaryMonk líka vel og þeir sýndu bara mikinn áhuga á að fá mig,“ segir Gylfi, en liðið hefur haldið áfram stefnu sinni að spila fallegan fótbolta og það líkar okkar manni. „Michael Laudrup hélt því áfram og liðið hefur gert það einnig undir stjórn Gary Monk. Það breytist ekkert. Þetta er lið sem vill spila boltanum og vera mikið í stuttum sendingum. Það er bara vonandi að það gangi vel áfram.“Gylfi Þór skoraði mark ársins hjá Spurs á síðustu leiktíð gegn Hull í deildabikarnum.vísir/gettyGylfi var tvö tímabil hjá Tottenham og upplifði góða tíma sem slæma. Hann þurfti að sætta sig við mikla bekkjarsetu á síðustu leiktíð, en hann hefur þó vitaskuld margt gott um Lundúnaliðið að segja. „Þessi tími er búinn að vera fínn. Manni finnst þetta hafa verið lengi að líða þó um séu að ræða aðeins tvö tímabil. Það var frábær upplifun til dæmis að spila í Lundúnaslag á móti Arsenal og Chelsea og að skora á móti Chelsea á heimavelli var frábært. Svo var gaman að spila í Evrópudeildinni og slá þar út lið eins og Inter. Ég átti margar góðar stundir hjá Tottenham og auðvitað er alltaf leiðinlegt að kveðja félag sem maður hefur notið þess að vera hjá. En ég tek þessa ákvörðun af fótboltalegum ástæðum,“ segir Gylfi. „Það yrði leiðinlegt að horfa til baka eftir fótboltaferilinn og hafa eytt of miklum tíma á bekknum. Það er eflaust það versta sem knattspyrnumaður gerir að hætta þannig vonandi fæ ég bara sem flestar mínútur og flesta leiki hjá Swansea.“Gylfi Þór í leik með Tottenham gegn Stoke.vísir/gettyTottenham keypti sæg af miðjumönnum síðustu tvö sumur sem skapaði mikla samkeppni fyrir Gylfa. Ekki hjálpaði til að hann var oft látinn spila úti á vinstri kantinum sem hann viðurkennir fúslega að honum líkar einfaldlega ekki. „Maður vissi auðvitað að samkeppnin yrði mikil, sérstaklega á miðjunni þar sem það gátu 4-5 leikmenn spilað mína stöðu fremst á miðjunni. En að spila á vinstri kantinum pirraði mig meira,“ segir Gylfi. „Eins og flestir vita líður mér best inn á miðjunni. Ég er ekkert þessi fljóta týpa á kantinum sem sprettar framhjá bakverði og negli fyrirgjöf inn á teiginn eins og Gareth Bale eða Andros Townsend. Ég er allt öðruvísi leikmaður. Vonandi fæ ég bara að spila sem númer tíu hjá Swansea eða sem númer átta inn á miðri miðjunni.“Í baráttunni við Rio Ferdinand með Swansea 2012.vísir/gettyTottenham er í æfingaferð í Bandaríkjunum og var Gylfi í Seattle þegar hann þurfti að fljúga til Swansea og ganga frá sínum málum. Hann náði að kveðja flesta leikmenn liðsins. „Þeir voru að fljúga til Toronto þegar ég var að fara þannig ég rétt náði að kveðja þá. Það var samt hefð fyrir því að mínir bestu félagar voru alltaf seldir; strákar eins og GarethBale, Jermaine Defoe og Tom Huddlestone. En við ungu strákarnir í liðinu höfum haldið hópinn og það var leiðinlegt að kveðja þá allt í einu,“ segir Gylfi sem er ekki eini maðurinn sem Swansea hefur keypt í sumar. „Það hafa verið keyptir góðir menn undanfarin ár og það var algjör snilld að fá BafétimbiGomis. Hann er sterkur leikmaður og svo yrði snilld að halda WilfriedBony. Swansea er búið að styrkja sig vel í þessum glugga og vonandi heldur það áfram,“ segir hann. Gylfi þekkir hvern krók og kima í Swansea eftir hálfs árs dvöl þar fyrir tveimur árum, en var eitthvað sérstakt sem hann gerði í kvöld; eitthvað sem hann saknaði? „Ekkert af viti ennþá. Ég fór bara á gamla ítalska veitingastaðinn sem ég fór oft á og fékk mér kjúklingapasta til að taka með upp á hótel,“ segir Gylfi Þór Sigurðsson.
Enski boltinn Tengdar fréttir Gylfi Þór orðinn leikmaður Swansea Skrifaði undir fjöggurra ára samning við velska félagið. 23. júlí 2014 18:50 Gylfi Þór dýrasti íslenski knattspyrnumaður sögunnar Íslenski landsliðsmaðurinn verið seldur fyrir samtals fimm milljarða króna. 22. júlí 2014 22:15 Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport „Hún er með hjartagalla en í góðum höndum núna og vonandi fer allt vel“ Íslenski boltinn „Þetta er ekki boðlegt finnst mér“ Körfubolti DeAndre Kane sleppur við bann og spilar í kvöld Körfubolti Lið Aþenu og Brynjar Karl einum leik frá Subway-deildinni eftir spennutrylli Körfubolti Hætti óvænt: Fannst hann skulda fjölskyldunni smá tíma Handbolti Aron Einar og Arnór minnast systur sinnar sem lést langt fyrir aldur fram Sport Clattenburg hættur og segist hafa verið skotmark sérfræðinga Enski boltinn „Varhugavert er að ætla starfsmanni Stöðvar 2 að hafa brugðið talsvert“ Körfubolti Fleiri fréttir Í beinni: Arsenal - Bournemouth | Geta aukið forskotið og sett pressu á City Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Klopp ósáttur við álagið: „Hádegisleikir eru glæpur“ Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Tonali braut veðmálareglur fimmtíu sinnum eftir komuna til Newcastle Möguleikar Tottenham á Meistaradeildarsæti að fjara út „Þið eruð lið fullt af feitabollum“ Tekur fyrir að starfsfólk Manchester United vinni að heiman Segir aðeins þau hlutlausu hafa skemmt sér yfir fótbolta Ten Hag Sextán ára og skoraði hjá Arsenal eins og Rooney forðum „Mo Salah sá sem að gekk of langt“ Manchester-liðin og Aston Villa á móti því að eyðsluþak verði sett á Nær allir leikmenn Man Utd til sölu fyrir rétt verð Thiago Silva hættir hjá Chelsea en vonast til að synirnir spili þar áfram Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Sjá meira
Gylfi Þór orðinn leikmaður Swansea Skrifaði undir fjöggurra ára samning við velska félagið. 23. júlí 2014 18:50
Gylfi Þór dýrasti íslenski knattspyrnumaður sögunnar Íslenski landsliðsmaðurinn verið seldur fyrir samtals fimm milljarða króna. 22. júlí 2014 22:15