Lampard látinn fara frá Chelsea

Frank Lampard, leikmaður Chelsea og markahæsti miðjumaður ensku úrvalsdeildarinnar frá upphafi, hefur verið látinn fara frá félaginu en það ákvað að endurnýja ekki samning hans.

Enska úrvalsdeildin birti í dag lista yfir alla þá leikmenn sem liðin ætla að halda og láta fara á frjálsri sölu. Lampard er á listanum hjá Chelsea líkt og AshleyCole, Samuel Eto'o og MarkSchwarzer.

Þetta kemur nokkuð á óvart þó Lampard sé orðinn 35 ára gamall. Hann á að baki 648 leiki í öllum keppnum fyrir Chelsea og hefur skorað í þeim 211 mörk.

Hann er staddur þessa dagana á Portúgal með enska landsliðinu sem undirbýr sig nú að kappi fyrir heimsmeistarakeppnina í Brasilíu sem hefst í næsta mánuði.

Á meðal annarra leikmanna sem geta farið á frjálsri sölu í sumar eru Gareth Barry, leikmaður Manchester City, og NicklasBentdner, Daninn í liði Arsenal.