Við bjóðum upp á Kabaríur Gunnþóra Gunnarsdóttir skrifar 13. ágúst 2014 11:30 Hrönn og Hallveig æfðu sig vel áður en þær héldu norður til Ólafsfjarðar þar sem þær taka virkan þátt í Berjadögum. Fréttablaðið/GVA „Við Hrönn ætlum að vera með dálítið blandað prógramm,“ segir Hallveig Rúnarsdóttir söngkona, þegar ég næ í hana á kaffihúsinu Bláu könnunni á Akureyri og bið hana að lýsa því sem fram undan er á Berjadögum á Ólafsfirði. Hún verður þar í stóru hlutverki bæði á upphafstónleikunum annað kvöld klukkan 20 og lokatónleikunum á föstudaginn. Kveðst hafa verið með kabarettprógramm syðra fyrir nokkru en ákveðið að klassíkera það örlítið nú. „Við bjóðum upp á Kabaríur. „Ætlum að dreypa á gylltum veigum óperubókmenntanna fyrir hlé og verðum með nokkrar stórar bombur eftir Mozart, Puccini og Dvorák. Eftir hlé dembum við okkur í léttara efni og flytjum kabarettmúsík eftir Schönberg og bandarískan mann sem heitir Bolcom. Síðan verða söngleikjalög eftir Sondheim,“ lýsir hún. Á öðru kvöldi tónleikanna fá þær Hallveig og Hrönn að njóta þess sem Tríó Sunnu Gunnlaugs hefur í farteskinu. Það verða aðallega tónsmíðar eftir liðsmenn tríósins og einhverjar ábreiður kunna að slæðast með. Á lokakvöldinu á föstudag verður blásið til sannkallaðrar tónlistarveislu fyrir alla fjölskylduna þar sem listamenn hátíðarinnar leika á als oddi í fjölbreyttri dagskrá. „Þá verð ég með í öllu havaríinu,“ segir Hallveig og kveðst geyma aríuna sína úr Carmen þangað til. „Þar verður líka söngleikastjarna Íslands, Maríus Sverrisson, tríóið hennar Sunnu og hinir og þessir gestasöngvarar. Þetta verður rosa skemmtilegt,“ segir hún spennt. Hallveig kveðst aldrei hafa sungið á Ólafsfirði áður en hún þekki þar fullt af fólki. „Ég hef verið þar í fríum en aldrei komið þar fram. Ólafsfjörður er heimabær söngkennarans míns, Jón Þorsteinssonar, og þar líður honum best í heiminum. Hann er einn þeirra sem ætla að troða upp á lokakvöldi Berjadaga,“ segir Hallveig og heldur svo áfram ferðinni í fyrirheitna fjörðinn. Dagskrá Berjadaga KABARÍUR í Ólafsfjarðarkirkju 14. ágúst klukkan 20 Hallveig Rúnarsdóttir, sópran Hrönn Þráinsdóttir, píanó TRÍÓ SUNNU GUNNLAUGS í Ólafsfjarðarkirkju 15. ágúst klukkan 20 Sunna Gunnlaugs, píanó Þorgrímur Jónsson, kontrabassi Scott McLemore, trommur Tríó Sunnu verður líka með tónleika á Hornbrekku, dvalarheimili aldraðra, klukkan 14.30 LOKATÓNLEIKAR BERJADAGA í Tjarnarborg 16. ágúst klukkan 20 Sérstakur gestur: Maríus Hermann Sverrisson tenór – „Ég er kominn heim“ Menning Mest lesið Hvaða frambjóðandi er bestur í að flaka fisk? Lífið Forsetaáskorunin: „Held að geimverur sé á meðal vor“ Lífið Styrktist í trúnni eftir áfallið Lífið Kristján hennar Höllu stefnir á fyrsta lanið á Bessastöðum Lífið „Ómenntaður kúka kennslu sóði!“ Lífið Balti var í hesthúsinu þegar Jason Statham hringdi Bíó og sjónvarp Nýjasti rafvirki landsins fimmtug með ofurkrafta Lífið Af vængjum fram: „Aldrei“ notað fíkniefni og er alls ekki með nein húðflúr Lífið Ætluðu að draga sig úr Eurovision fram á síðustu stundu Lífið Glæsilegt raðhús Maríu Paz til sölu Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
„Við Hrönn ætlum að vera með dálítið blandað prógramm,“ segir Hallveig Rúnarsdóttir söngkona, þegar ég næ í hana á kaffihúsinu Bláu könnunni á Akureyri og bið hana að lýsa því sem fram undan er á Berjadögum á Ólafsfirði. Hún verður þar í stóru hlutverki bæði á upphafstónleikunum annað kvöld klukkan 20 og lokatónleikunum á föstudaginn. Kveðst hafa verið með kabarettprógramm syðra fyrir nokkru en ákveðið að klassíkera það örlítið nú. „Við bjóðum upp á Kabaríur. „Ætlum að dreypa á gylltum veigum óperubókmenntanna fyrir hlé og verðum með nokkrar stórar bombur eftir Mozart, Puccini og Dvorák. Eftir hlé dembum við okkur í léttara efni og flytjum kabarettmúsík eftir Schönberg og bandarískan mann sem heitir Bolcom. Síðan verða söngleikjalög eftir Sondheim,“ lýsir hún. Á öðru kvöldi tónleikanna fá þær Hallveig og Hrönn að njóta þess sem Tríó Sunnu Gunnlaugs hefur í farteskinu. Það verða aðallega tónsmíðar eftir liðsmenn tríósins og einhverjar ábreiður kunna að slæðast með. Á lokakvöldinu á föstudag verður blásið til sannkallaðrar tónlistarveislu fyrir alla fjölskylduna þar sem listamenn hátíðarinnar leika á als oddi í fjölbreyttri dagskrá. „Þá verð ég með í öllu havaríinu,“ segir Hallveig og kveðst geyma aríuna sína úr Carmen þangað til. „Þar verður líka söngleikastjarna Íslands, Maríus Sverrisson, tríóið hennar Sunnu og hinir og þessir gestasöngvarar. Þetta verður rosa skemmtilegt,“ segir hún spennt. Hallveig kveðst aldrei hafa sungið á Ólafsfirði áður en hún þekki þar fullt af fólki. „Ég hef verið þar í fríum en aldrei komið þar fram. Ólafsfjörður er heimabær söngkennarans míns, Jón Þorsteinssonar, og þar líður honum best í heiminum. Hann er einn þeirra sem ætla að troða upp á lokakvöldi Berjadaga,“ segir Hallveig og heldur svo áfram ferðinni í fyrirheitna fjörðinn. Dagskrá Berjadaga KABARÍUR í Ólafsfjarðarkirkju 14. ágúst klukkan 20 Hallveig Rúnarsdóttir, sópran Hrönn Þráinsdóttir, píanó TRÍÓ SUNNU GUNNLAUGS í Ólafsfjarðarkirkju 15. ágúst klukkan 20 Sunna Gunnlaugs, píanó Þorgrímur Jónsson, kontrabassi Scott McLemore, trommur Tríó Sunnu verður líka með tónleika á Hornbrekku, dvalarheimili aldraðra, klukkan 14.30 LOKATÓNLEIKAR BERJADAGA í Tjarnarborg 16. ágúst klukkan 20 Sérstakur gestur: Maríus Hermann Sverrisson tenór – „Ég er kominn heim“
Menning Mest lesið Hvaða frambjóðandi er bestur í að flaka fisk? Lífið Forsetaáskorunin: „Held að geimverur sé á meðal vor“ Lífið Styrktist í trúnni eftir áfallið Lífið Kristján hennar Höllu stefnir á fyrsta lanið á Bessastöðum Lífið „Ómenntaður kúka kennslu sóði!“ Lífið Balti var í hesthúsinu þegar Jason Statham hringdi Bíó og sjónvarp Nýjasti rafvirki landsins fimmtug með ofurkrafta Lífið Af vængjum fram: „Aldrei“ notað fíkniefni og er alls ekki með nein húðflúr Lífið Ætluðu að draga sig úr Eurovision fram á síðustu stundu Lífið Glæsilegt raðhús Maríu Paz til sölu Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira