Höll minninganna: Frá Fjölni til Fjölnis

Þúsundþjalasmiðurinn Fjölnir Þorgeirsson var einu sinni atvinnumaður í billjard.

Söngkonan Regína Ósk Óskarsdóttir fékk billjardborð í jólagjöf þegar hún var 12 ára.

Regína lék í uppfærslu Leikfélags Reykjavíkur á Litlu hryllingsbúðinni árið 1999. Þar lék Stefán Karl Stefánsson tannlækninn.

Stefán Karl lék í leikritinu Þú ert í blóma lífsins, fíflið þitt! Í uppfærslu unglingadeildar Leikfélags Hafnarfjarðar árið 1990. Fimm árum síðar var hann kynnir í söngkeppni framhaldsskólanna. Í þriðja sæti í keppninni var tónlistarmaðurinn Svavar Knútur Kristinsson.

Svavar Knútur var einu sinni með aflitað hár. Söngvarinn Páll Óskar Hjálmtýsson var einnig einu sinni með aflitað hár.

Páll Óskar kynnti freestyle-keppni í Tónabæ árið 1994.

Leikkonan Elma Lísa Gunnarsdóttir bar sigur úr býtum í freestyle-keppni í Tónabæ árið 1986, þá tólf ára. 

Elma Lísa prýddi forsíðu Skinfaxa með Fjölni Þorgeirssyni árið 1997.