Innlent

Tonnin tvö þúsund af hvalkjöti komin til Japan

Kolbeinn Tumi Daðason skrifar
Alma við bryggju í Hafnarfirði i apríl.
Alma við bryggju í Hafnarfirði i apríl. Vísir/Daníel
Flutningaskipið Alma, með tvö þúsund tonn af langreyðakjöti, lagðist að bryggju í borginni Osaka í gærmorgun.

Skipið kom inn í japanska landhelgi í vikunni en Eyjan birtir í dag myndir af skipinu við bryggju í japönsku borginni. Skipið hélt utan úr Hafnarfjarðarhöfn í mars.

Sigling Ölmu til Japan gekk ekki áfallalaust fyrir sig. Skipið fékk ekki að koma við í Durban í Suður-Afríku á leið sinni þangað um miðjan apríl. Greindi ríkisútvarpið þar í landi frá því að tugþúsundir manna hefðu mótmælt komu skipsins.

Pavel Klinckhamers, verkefnastjóri hjá Greenpeace, sagði í samtali við Vísi um miðjan apríl að undriskriftirnar væru 35 þúsund. Samtökin myndu fylgjast grannt með ferðum Ölmu.

Óvíst er hvað verður um tonnin tvö þúsund af hvalkjötinu í Japan.










Tengdar fréttir

„Business as usual“

Kristján Loftsson hjá Hval hf. segir ekkert nýtt í hótunum Barack Obama, forseta Bandaríkjanna, sem í minnisblaði sínu til bandaríska þingsins, gagnrýnir hvalveiðar Íslendinga á langreyði harðlega.

Kjötið beint til Japan

Fyrir dyrum er ákvörðun Bandaríkjaforseta vegna hvalveiða Íslendinga í viðskiptaskyni. Flutningaskipið Alma er á leið til Japan með um 2.000 tonn af hvalkjöti. Hvalur hf. hefur verið gerður afturreka með umskipun á hvalkjöti í evrópskum höfnum.

Mest lesið


Fleiri fréttir

Sjá meira


×

Mest lesið