Dagný og Berglind háskólameistarar í Bandaríkjunum

Flórída State háskólinn með Dagnýju Brynjarsdóttur og Berglindi Þorsteinsdóttur innanborðs tryggði sér nú í kvöld sigur í háskóladeildinni í Bandaríkjunum með 1-0 sigri á Virginia í úrslitaleik.

Fyrri hálfleikur var markalaus en Jamia Fields skoraði sigurmarkið á 83. mínútu leiksins.

Dagný lék allan leikinn en Berglind lék í 26 mínútur.

Dagný og Berglid voru í liði Flórída State sem tapaði úrslitaleiknum í fyrra í framlengingu.

Guðrún Sóley Gunnarsdóttir varð háskólameistari með Notre Dame háskólanum 2004 og Rakel Ögmundsdóttir vann með háskólanum í Norður-Karólínu 1996.