Ruddust inn á völlinn og létu Ronaldo heyra það | Myndband

Cristiano Ronaldo fékk ekki flóafrið fyrir áhorfendum í leik Basel og Real Madrid í gær.

Fyrir leik náði ung stúlka að komast út á völlinn. Er hún nálgaðist goðið fór hún að skjálfa og mátti sjá glitta í tár. Ronaldo gaf henni lítið faðmlag áður en vörður leiddi hana af velli.

Undir lok leiksins ruddust tveir menn síðan inn á völlinn og hlupu beint að Portúgalanum. Var engu líkara en þeir ættu eitthvað vantalað við Ronaldo því þeir létu hann heyra það áður en öryggisverðir náðu þeim.

Fólk með myndavélar kom inn á sama tíma og spurning hvort um einhvers konar gjörning hafi verið að ræða? Kannski voru þeir bara pirraðir yfir því að Ronaldo hafi unnið leikinn fyrir Real.

Í það minnsta er ljóst að öryggisgæslan var í molum. Seinni uppákomuna má sjá hér að neðan.