Marca: Manchester United undirbýr tilboð í Di María

Spænska blaðið Marca greinir frá því í dag að United muni gera 56 milljóna punda boð í argentínska kantmanninn Angel Di María á næstu dögum en hann hefur óskað eftir sölu frá Real Madrid.

Di María verður samkvæmt heimildum Marca ekki í leikmannahóp Real í kvöld þegar liðið mætir Atletico Madrid í leiknum upp á spænska Ofurbikarinn. Leikurinn fer fram á Vicente Calderon en staðan er 1-1 eftir fyrri leik liðanna.

Sú staðreynd að Di Maria er ekki með er talin auka líkurnar á því að hann sé á förum en Ancelotti hefur viðurkennt að hann hafi óskað eftir því að vera seldur frá félaginu.