„Fötin gjörsamlega fjúka út“

„Fötin gjörsamlega fjúka út,“ segir innanbúðardrengurinn Eysteinn Sigurðarson en hann stendur fyrir fatamarkaði í dag á Prikinu ásamt samstarfsmönnum sínum í Herrafataverzlun Kormáks og Skjaldar.

„Það er kominn mikill vindur í menn,“ segir Eysteinn og hlær en þá vísar hann til veðursins í miðbænum en mælst hefur mikill vindur sem telst ekki hið besta veður fyrir fatamarkað.

Eysteinn segir þó góða stemningu vera á Prikinu enda er svokölluð gleði-stund eða „Happy Hour“ á barnum til 16:00.