Liðsfélagi Jóns Jónssonar frá Malí syngur Þjóðhátíðarlagið

Söngvarinn og knattspyrnukappinn Jón Ragnar Jónsson setti myndband á Instagram-vefinn sinn sem sýnir liðsfélaga hans frá Mali, Kassim Doubia, gera heiðarlega tilraun til að syngja þjóðhátíðarlagið í ár. Sönginn má sjá hér að neðan.

„Kassim "the dream" að taka Þjóðhátíðarlagið. Elska þennan mann,“ segir Jón við myndbandið. Á einni klukkustund hafa tæplega 400 manns smellt á „like-takkann“ á Instagram-vefnum og því ljóst að söngur Doumbia fer vel í fólk.

Í apríl sagði Vísir frá því að Jón Ragnar myndi syngja þjóðhátíðarlagið. Þá sagði hann um lagið: „Þetta er Jón Jónsson í Eyjabúningi. Ég er hvorki að finna upp hjólið í laglínu eða textagerð. Þetta á bara að vera gleði og sumar,“ segir Jón.

Lagið ber titilinn Ljúft að vera til og hefur Vísir bent gítarsnillingum á hvar má læra lagið.