Gunnari Þorsteinssyni vikið úr Krossinum

Ákveðið var á fundi Krossins í gær að víkja Gunnari Þorsteinssyni, fyrrum framkvæmdastjóra og stofnanda Krossins, úr söfnuðinum. Einnig verður nafni safnaðarins breytt úr Krossinum í Smárakirkju. Von er á tilkynningu frá söfnuðinum síðar í dag.

Samkvæmt heimildum Vísis barst tillagan um að víkja Gunnari úr söfnuðinum úr sal og var samþykkt af öllum viðstöddum. Brottvísun Gunnars tengist meðal annars meðferð hans á fjármunum safnaðirins, en eins og greint var frá í mars er sú meðferð til rannsóknar hjá embætti sérstaks saksóknara.

Gunnar er staddur erlendis og kom af fjöllum þegar blaðamaður náði af honum tali fyrr í dag.