Blýanturinn fljúgandi opnar á morgun

Ólöf Helga Helgadóttir opnar sýninguna Blýanturinn fljúgandi í Týsgallerí á morgun klukkan fimm.

Ólöf vinnur með blandaða tækni en undanfarin ár hefur hún unnið mikið með pappír sem efnivið. Hún vann í tilraunarýminu Öruggt Rými og hefur tekið þátt í verkefnum í Nýlistasafninu og í gallerí Kunstschlager.

Þetta er hennar fyrsta einkasýning, en hún hefur áður tekið þátt í samsýningum hér heima og erlendis.

Ólöf útskrifaðist frá Slade School of Fine Art árið 2010, en áður útskrifaðist hún úr Listaháskóla Íslands árið 2005.