PSG enn efst eftir sigur á Ajax | Sjáðu mörkin

Edinson Cavani skoraði tvívegis er PSG vann sigur á hollenska liðinu Ajax, 3-1, í F-riðli Meistaradeildar Evrópu í kvöld.

PSG heldur því toppsæti sínum í riðlinum og er með eins stigs forystu á Barcelona, sem vann öruggan sigur á APOEL á Kýpur í kvöld, 4-0. PSG og Barcelona eru bæði komin áfram í 16-liða úrslit keppninnar.

Zlatan Ibrahimovic skoraði einnig fyrir PSG í kvöld en mark Ajax skoraði Davy Klaassen. Kolbeinn Sigþórsson sat allan leikinn á bekknum hjá Ajax að þessu sinni.

Barcelona tekur á móti PSG í lokaumferð riðlakeppninnar þann 10. desember en þeim frönsku dugir jafntefli til að tryggja sér toppsæti riðilsins. Ajax er með tvö stig og dugir jafntefli gegn APOEL á heimavelli til að komast í Evrópudeild UEFA eftir áramót.

Edinson Cavani kom PSG yfir gegn Ajax: Ajax jafnaði metin með marki Klaassen á 67. mínútu: Zlatan endurheimti forystuna fyrir PSG á 78. mínútu: Cavani skoraði öðru sinni á 83. mínútu: