Blóm og næturgalar

Sigrún Hjálmtýsdóttir, Diddú, kemur fram hádegistónleikum Íslensku óperunnar í dag ásamt píanóleikaranum Antoníu Hevesi.

Á tónleikunum, sem haldnir verða í Norðurljósum í Hörpu klukkan 12.15, verða meðal annars flutt Söngurinn til mánans úr óperunni Rúsölku og rússneska þjóðlagið Solovej moi eða Næturgalinn, þar sem söngkonan líkir eftir hljóðum næturgala með tilheyrandi trillum og háum tónum.

Diddú söng síðast í sýningu hjá Íslensku óperunni hlutverk Næturdrottningarinnar í Töfraflautunni og hlaut Íslensku tónlistarverðlaunin fyrir hlutverkið.