Stale Solbakken, knattspyrnustjóri FC Kaupmannahafnar, var mjög ánægður með spilamennsku Eiðs Smára Guðjohnsen í varaliðsleik FCK gegn Norsjælland í dag en Eiður Smári lagði upp tvö mörk í 4-2 sigri.
Eiður hefur æft með FCK undanfarna daga og er áhugi frá báðum aðilum að komast að samkomulagi en Stale segist vera nokkuð bjartsýnn að málið yrði klárað fyrr en síðar í samtali við Bold.dk.
„Við sáum það sem við vonuðumst eftir, þrátt fyrir að vera búinn að eldast er hann mjög góður leikmaður. Við þurfum að meta það hversu langan tíma það tekur hann að komast í form.“
„Við getum ekki skráð hann í Evrópudeildina og við þurfum að hugsa þetta vandlega, rétt eins og hann þarf að skoða tilboð okkar betur.“
Solbakken vongóður um að Eiður samþykki tilboð FCK
Tengdar fréttir
Eiður Smári í viðræðum við FC Kaupmannahöfn
Eiður Smári Guðjohnsen er í samningsviðræðum við danska stórliðið FC Kaupmannahöfn en samkvæmt blaðamanni BT Sports er Eiður að æfa með liðinu þessa dagana.
Eiður Smári lagði upp tvö í æfingarleik | Myndband
Eiður Smári Guðjohnsen lagði upp tvö mörk og átti stóran þátt í því þriðja í 4-2 sigri varaliðs FCK á Nordsjælland í dag en Eiður er þessa dagana á reynslu hjá FC Kaupmannahöfn.
Eiður æfði með FCK í dag | Myndband
Eiður Smári Guðjohnsen, fyrrverandi leikmaður Chelsea og Barcelona, æfði í fyrsta sinn með danska úrvalsdeildarliðinu FCK í dag.
