James Franco: „Ég vildi að ég væri samkynhneigður“

Leikarinn viðkunnanlegi, James Franco, segir þrálátan orðróm þess efnis að hann sé samkynhneigður ekki skipta sig neinu máli.

Eftir svokallaða „roast“-veislu, þar sem grínistar keppast við að segja brandara á kostnað þess sem veislan er til heiðurs, sem haldin var fyrir leikarann sagði Franco í samtali við The Daily Beast að hommabrandararnir hefðu ekki haft nein áhrif á sig.

„Mér finnst ekki móðgandi að vera kallaður samkynhneigður og mér er alveg sama þó fólk haldi að ég sé það. Frábært! Ég vildi að ég væri samkynhneigður.“

Fyrr á árinu sagði Franco í viðtali að hann væri mikið spurður út í kynhneigð sína og viðurkenndi að það væri líklega að hluta til sér að kenna þar sem hann hefði oft gefið það í skyn að hann væri samkynhneigður. Þá hefur hann leikið margar samkynhneigðar persónur í kvikmyndum, til dæmis í kvikmyndunum Milk og Howl.