„Besta geimmynd sem gerð hefur verið“

Ný kvikmynd leikstjórans Alfonso Cuarón, Gravity sem er væntanleg í kvikmyndahús er að sögn kvikmyndaleikstjórans James Cameron besta geimmynd sem gerð hefur verið.

Myndin fjallar um tvo geimfara sem leikin eru af þeim Söndru Bullock og George Clooney. Geimfararnir lenda í vanda þegar geimskutlan sem þau eru um borð í eyðileggst.

Myndin var opnunarmynd kvikmyndahátíðarinnar í Feneyjum. Hægt er að sjá sýnishorn úr henni hér að neðan.

Handritið skrifaði Alfonso Cuarón með syni sínum Jonás. Ljóst er að margir bíða spenntir eftir myndinni sem verður frumsýnd í Bandaríkjunum í byrjun október og hér á Íslandi 11. október.