Skipverja saknað rétt við Reyðarfjörð

Skipverja af flutningaskipinu Alexia er saknað og talið er hugsanlegt að hann hafi fallið frá borði. Flutningaskipið var að koma inn til hafnar á Reyðarfirði og var björgunarskip Slysavarnarfélagsins Landsbjargar samstundið kallað út til leitar. Þetta kom fram í tilkynningu frá Landhelgisgæslunni.

Að auki var haft samband við skip sem voru nálægt og þau beðin um að taka þátt í leitinni.

Veðrið er mjög slæmt á svæðinu og leitarsvæðið er stórt.

Leitin hefur ekki borið árangur og var ákveðið í samráði við lögreglu og bakvakt Slysavarnarfélagsins Landsbjargar að fresta leitinni til morguns.