Rannsaka hvort Paul Walker hafi verið í kappakstri

Lögreglan í Bandaríkjunum rannsakar nú hvort bandaríski leikarinn Paul Walker hafi í raun verið í kappakstri þegar hann lést í bílslysi um helgina.

Þetta kemur fram á vef Daily News og mun lögreglan hafa fengið vísbendingar um að önnur bifreið hafi verið í spilunum og um hugsanlegan kappakstur að ræða.

Lögregluyfirvöld hafa nú lýst eftir vitnum af málinu en vegurinn sem slysið átti sér stað á er mjög vinsæll fyrir ólöglegan kappakstur í Bandaríkjunum.

Paul Walker hefur farið með aðalhlutverk í myndunum Fast and the Furious en þær fjalla einmitt um götukappakstur.