Starfsmaður Skeljungs sveik út milljón

Kona var dæmd í þriggja mánaða skilorðsbundið fangelsi í Héraðsdómi Reykjaness í dag fyrir fjárdrátt er hún starfaði í verslun Skeljungs í Garðabæ árið 2011.

Hún var ákærð fyrir að hafa dregið sér og nýtt í eigin þágu fjármuni, samtals 1,2 milljónir króna, með því að hafa í 58 tilvikum stimplað inn skil á gashylkjum í afgreiðslukassa og síðan fært fjárhæðina inn á inneignarkort í eigu Skeljungs, sem konan nýtti svo til að versla vörur eða taka út reiðufé.

Konan játaði sök og var dæmd til að greiða Skeljungi rúmlega 1,2 milljónir króna ásamt vöxtum.