Innlent

LÍN hunsar niðurstöðu Héraðsdóms

Jón Júlíus Karlsson skrifar
„Við höfum fengið fyrirspurnir um þetta frá áhyggjufullum nemendum,“ segir María Rut Kristinsdóttir, formaður Stúdentaráðs Háskóla Íslands í samtali við Vísi. Þrátt fyrir að dómur hafi fallið í Héraðsdómi Reykjavíkur á föstudag um að nýjar úthlutunarreglur LÍN hafi verið ólöglegar, virðist sem að sjóðurinn ætli að halda afstöðu sinni til streitu.

Nemendur sem ætla sér að þeyta 18 einingar á næstu önn hafa ekki getað sótt um námslán síðustu daga þátt fyrir að nýjar úthlutnarreglur, sem kveða á um 22 eininga lágmarksnámsframvindu, hafi verið dæmdar ólöglegar fyrir helgi. Stúdentaráð birtir skjáskot af því hvernig nemandi getur ekki sótt um námslán nema að vera skráður með að lágmarki 22 einingar.

„Í dag [í gær] höfum við fengið margar fyrirspurnir frá fólki sem ætlar sér að þreyta 18 einingar sem segist ekki geta sótt um hjá LÍN. Lánasjóðsfulltrúi SHÍ athugaði málið og hringdi í LÍN og fékk svör "að viðmiðin yrðu áfram 22 þar sem þau hyggðust áfrýja málinu" - það bendir til þess að Lánasjóðurinn fer ekki eftir og það sem meira er - hunsar niðurstöðu Héraðsdóms Reykjavíkur!,“ segir í stöðufærslu sem Stúdentaráð sendi frá sér á Facebook í gærkvöld.

„Við höfum nú þegar sent bréf til Mennamálaráðuneytisins og Umboðsmanns Alþingis vegna málsins,“ segir María Rut í samtali við Vísi.is. „Þetta er algjört virðingarleysi af hálfu LÍN og stúdentar eru búnir að fá sig fullsadda af þessum vinnubrögðum. Við höfum fengið gríðarlega sterk viðbrögð í kvöld vegna þessa máls og það er mikil reiði meðal stúdenta.“

LÍN hefur ekki enn áfrýjað málinu til Hæstaréttar. Leiða má hins vegar að því líkum að það verði gert á næstu dögum eða vikum.

Stöðufærstu Stúdentaráðs má sjá hér að neðan.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.