Skiptimynt og eldsneyti stolið

Í morgun var lögreglu tilkynnt um yfirstandandi innbrot í verslun í Breiðholti.

Lögreglumenn héldu þegar á staðinn. Þarna hafði rúða verið brotin í útihurð og farið hafði verið inn um hana. Lítilsháttar af skiptimynt var stolið. Maður grunaður um verknaðinn var handtekinn skammt frá vettvangi og fannst skiptimynt í fórum hans. Maðurinn var fluttur á lögreglustöð þar sem hann var vistaður í fangageymslu þar til skýrsla verður tekin af honum.

Í morgun var svo tilkynnt um þjófnað á talsverðu magni af eldsneyti af vinnutækjum hjá fyrirtæki á Höfðanum og að auki var tilkynnt um innbrot í fyrirtæki í austurborginni.