Arteta: Við höfðum allir trú á verkefninu

Leikmenn Arsenal voru að vonum svekktir eftir að hafa lagt Bayern München á útivelli í kvöld, 0-2, en þrátt fyrir það er liðið úr leik í keppninni.

"Við reyndum allan tímann og við höfðum allan tímann trú á þessu. Andlega var þetta gríðarlega erfiður leikur," sagði miðjumaður Arsenal, Mikel Arteta, eftir leikinn.

"Þetta var mjög erfiður leikur fyrir Bayern því þeir vissu ekki alveg hvað þeir ættu að gera. Hvort þeir ættu að verja eða sækja. Ef við hefðum fengið tíu mínútur í viðbót hefðum við kannski náð inn enn einu marki."

Bakvörðurinn Carl Jenkinson var einnig svekktur.

"Við vissum að það skipti öllu máli að halda markinu hreinu og okkur tókst það. Við höfðum virkilega trú á því að við gætum þetta. Ég er stoltur af strákunum ví þeir lögðu mikið á sig. Við unnum 2-0 og vorum ansi nálægt þessu," sagði Jenkinson.