Sex leikmenn Bayern fengu falleinkunn hjá Bild

Alls fengu sex leikmenn Bayern München falleinkun hjá þýska götublaðinu Bild fyrir frammistöðu sína gegn Arsenal í 16-liða úrslitum Meistaradeildar Evrópu í gær.

Arsenal vann leikinn, 2-0, en þar sem Bayern vann fyrri viðureign liðanna í Lundúnum, 3-1, sluppu Þjóðverjarnir áfram á útivallamarkareglunni.

Bild sýnir þrátt fyrir það enga miskunn og lætur leikmenn liðsins heyra það í umfjöllun sinni um leikinn.

Bild gefur einkunnir á bilinu 1-5 þar sem fimm er lægsta einkunn. Þrír fengu næstlægstu einkunn en bestir þóttu þeir Toni Kroos og Thomas Müller. Hér má sjá einkunnagjöf blaðsins:

Manuel Neuer 4

Philipp Lahm 4

Daniel van Buyten 4

Dante 5

David Alaba 5

Javi Martniez 5

Luiz Gustavo 5

Toni Kroos 3

Thomas Müller 3

Arjen Robben 4

Mario Mandzukic 5

Mario Gomez 5 (kom inn á sem varamaður)