Innlent

Vantraust ekki til umræðu á morgun

Tillaga Þórs Saari, þingmanns Hreyfingarinnar, um vantraust á ríkisstjórnina verður ekki til umræðu á þinginu á morgun. Þetta staðfesti Ásta Ragnheiður Jóhannesdóttir, forseti Alþingis, við Ruv.is í kvöld.

Þingmaðurinn, sem lagði fram tillöguna í dag, óskaði eftir því að tillagan yrði tekin til umræðu strax á morgun. Forseti Alþingis segir að ekki sé þingvilji fyrir því og þess vegna myndu gilda sömu reglur um þessa tillögu eins og önnur þingmál.

Því er ljóst að tillagan verður að liggja inni í tvær nætur og verður því ekki tekin fyrir fyrr en á föstudag.


Tengdar fréttir

Hörð átök um stjórnarskrármálið

Hörð átök hafa átt sér stað í umræðum um stjórnarskrárfrumvarpið á Alþingi í dag, en nú fer lokatilraun þeirra sem vilja að frumvarpið verði afgreitt í heild sinni fram á þingi, en stefnt er að því að ljúka annarri umræðu nú síðdegis. Þór Saari hefur lagt fram vantrauststillögu vegna nýrrar tillögu stjórnarmeirihlutans um að klára ekki heildarendurskoðun stjórnarskrárinnar nú.

Þór Saari leggur fram vantrauststillögu að nýju

Þór Saari lagði í dag fram vantrauststillögu á ríkisstjórnina. Hann hefur jafnframt óskað eftir því við Ástu Ragnheiði Jóhannesdóttur, forseta Alþingis, að tillagan verði tekin á dagskrá þingsins á morgun.

Mest lesið


Fleiri fréttir

Sjá meira


×

Mest lesið