Innlent

Sigurður biðst afsökunar á hyskis-ummælum

Sigurður á fundinum í gærkvöldi.
Sigurður á fundinum í gærkvöldi.
Sigurður Harðarson, stjórnarmaður í Félagi Sjálfstæðismanna í Grafarvogi, biðst afsökunar á orðum sem hann lét falla á íbúafundi í Grafarvogi með Jóni Gnarr borgarstjóra í gærkvöldi.

Það gerði hann í kvöldfréttum RÚV í kvöld. Jón leit á ummælin sem einelti og ofbeldi og vöktu viðbrögð borgarstjórans mikla athygli.

Sigurði þótti verra að ummæli hans hefðu fengið alla athyglina en ekki gagnrýnin sem hann vill meina að snúi upp á meirihluta borgarstjórnar.

„Þetta er íbúafundur og ég stíg fram til að setja fram ákveðið sjónarmið en óheppilegt orðfæri, sem ég biðst afsökunar á, fær alla athyglina," sagði Sigurður í samtali við RÚV.

Myndbandið frá fundinum má sjá hér.


Tengdar fréttir

Hvorki einelti né ofbeldi

Sigurður Egill Sigurðsson flugnemi, var staddur á umdeildum íbúafundi í Grafarvogi í gær, og segir borgarstjóra fara með rangt mál.

Myndband frá íbúafundinum í Grafarvogi

Halldór Árni Sveinsson, fagstjóri fjölmiðladeildar Flensborgarskólans, hefur sett myndskeið inn á vefsvæðið Netsamfelag.is frá íbúafundinum í Grafarvogi í gær.

Íbúafundurinn: „Þið eruð hyski!“

Myndatökumaður segir fundargesti hafa sýnt mikinn dónaskap á íbúafundinum í gær. Íbúi í Grafarvogi sem var viðstaddur fundinn tekur í sama streng.

Segir eineltið ekki hafa verið ímyndun

Jón Gnarr borgarstjóri segir það rangt, sem haldið hefur verið fram, að upplifun hans á einelti í Grafarvogi í gær hafi verið ímyndum. Skrif hans um eineltið hafa vakið gríðarleg viðbrögð í dag. Fjölmargir hafa brugðist við bæði á Facebook og víðar.

Mest lesið


Fleiri fréttir

Sjá meira


×

Mest lesið