Þarna var fjör

Meðfylgjandi myndir voru teknar á kynningarfundi í Listasafni Reykjavíkur í vikunni fyrir 150 manns sem sóttu um tvær stöður í netmarkaðssetningu hjá auglýsingastofunni Pipar/TBWA.

,,Það er frábært hversu mikill áhugi er fyrir þessu starfsnámi. Við erum að taka inn tvo einstaklinga núna til að læra PPC og aðra netmarkaðssetningu en sérfræðingar á þessu sviði eru því miður af skornum skammti,“ segir Valgeir Magnússon, framkvæmdastjóri auglýsingastofunnar. 

,,Þar sem yfirskrift auglýsingarinnar í starfsnámið var ,,Nýtt blóð“ ákváðum við að fá blóðbankann í heimsókn þannig að umsækjendum gæfist kostur að gefa blóð í kjölfarið. Þessu framtaki var mjög vel tekið. Ég er samt ekki viss um að við göngum svo langt að ráða í stöðurnar eftir DNA niðurstöðum,“ segir Valgeir og glottir.

Smelltu á efstu mynd í frétt til að skoða albúmið.

Post by Lífið á Visir.is.