Emil Hallfreðsson fór meiddur af velli

Emil Hallfreðsson var að vanda í byrjunarliði Verona í leik Genoa og Verona í ítalska boltanum í dag. Emil byrjaði leikinn á miðri miðjunni en fór meiddur af velli eftir tæplega hálftíma leik.

Emil varð fyrir höfuðmeiðslum og þurfti sauma áður en honum var skipt af velli. Óvíst er hversu alvarlegt meiðslin voru.

Þetta er áfall fyrir Lars Lagerback, þjálfara íslenska landsliðsins fyrir leikina sem eru framundan. Fréttir bárust frá Englandi að annar miðjumaður íslenska liðsins, Aron Einar Gunnarsson hafi einnig orðið fyrir hnjaski í gær. Aron verður hinsvegar klár í leikinn á föstudaginn gegn Króatíu.

Verona tapaði leiknum 2-0 en þetta var aðeins annað tap liðsins í síðustu átta leikjum.