Þórhildur og Örn Bárður í framboði

Þórhildur Þorleifsdóttir leikstjóri mun leiða lista Lýðræðisvaktarinnar í Reykjavíkurkjördæmi suður í komandi alþingiskosningum. Í öðru sæti verður sóknarpresturinn Örn Bárður Jónsson.

Listar flokksins fyrir Reykjavík Norður voru kynntir í dag og mun Þorvaldur Gylfason prófessor leiða þann lista og Egill Ólafsson tónlistarmaður verður í öðrusætinu.

Listi efstu frambjóðenda Lýðræðisvaktarinnar í Reykjavíkurkjördæmi suður er eftirfarandi:

1. Þórhildur Þorleifsdóttir, leikstjóri og fv. stjórnlagaráðsfulltrúi

2. Örn Bárður Jónsson, sóknarprestur og fv. stjórnlagaráðsfulltrúi

3. Íris Erlingsdóttir, fjölmiðlafræðingur

4. Guðbjörn Guðbjörnsson, yfirtollvörður í Reykjavík og óperusöngvari

5. Jónas Guðmundsson, fjármálastjóri Heilsugæslu höfuðborgarsvæðisins

6. Sólveig Guðmundsdóttir, leikkona og framleiðandi

Lýðræðisvaktin mun bjóða fram í öllum kjördæmum í kosningunum.