Snedeker kominn í forustu á Opna breska

Bandaríkjamaðurinn Brandt Snedeker er kominn í forustusætið á Opna breska meistaramótinu í golfi eftir að hafa leikið frábært golf á öðrum hring mótsins í dag. Snedeker lék á sex höggum undir pari vallarins. Hann fékk sex fugla á hringnum og engan skolla og er nú með fimm högga forustu á Skotann Paul Lawrie en alls hefur Snedeker leikið hringina tvo á tíu höggum undir pari.

Ástralinn Adam Scott sem var með forustu eftir fyrsta hring mótsins í gær hefur ekki leikið jafn vel í dag og er á einu höggi yfir pari eftir fyrstu sex holur annars hrings. Scott er í þriðja sæti og hefur alls leikið á fimm höggum undir pari vallarins.