Þriðja plata Kiru Kiru

Platan Feathermagnetik eftir Kiru Kiru er komin út. Kira Kira er hliðarsjálf tónskáldsins og leikstjórans Kristínar Bjarkar Kristjánsdóttur og er platan hennar þriðja í röðinni.

Feathermagnetik inniheldur níu tónverk sem flokka má sem tilraunakennda raftónlist. Hljómur hennar er dekkri en í fyrri verkum Kiru Kiru og segja má að það kveði við nýjan tón í ferli hennar. Platan kemur út hjá undirmerki þýska útgáfufélagsins Morr Music, Sound of a Handshake. Útgáfutónleikar vegna Feathermagnetik verða haldnir í Berlín þann 8. júlí og síðar í Reykjavík.