Lífið

Vongóðir dansarar í Hörpu

Harpa fylltist af vongóðum dönsurum í gær er dansprufur fyrir Dans dans dans fóru fram.
Harpa fylltist af vongóðum dönsurum í gær er dansprufur fyrir Dans dans dans fóru fram. Fréttablaðið/anton
Margt var um manninn á fyrsta degi dansprufa fyrir raunveruleikaþátt Ríkissjónvarpsins Dans dans dans í Hörpu í gær.

Vongóðir dansarar af öllum stærðum og gerðum biðu þess að geta sýnt spor sín frammi fyrir dómaraþríeykinu, þeim Katrínu Hall, Gunnari Helgasyni og Karenu Björk Björgvinsdóttur.

Fyrsta sería dansþáttanna lagðist vel í landsmenn í fyrra. Þá var það Berglind Ýr Karlsdóttir sem fór með sigur af hólmi en hún er nú í starfsnámi hjá Íslenska dansflokknum.

Ein og hálf milljón króna er í boði fyrir sigurvegarann en það er þjóðin sem að lokum ræður úrslitunum með símakosningu. Fyrstu þátturinn fer í loftið í lok október. Ragnhildur Steinunn Jónsdóttir er kynnir þáttanna eins og í fyrra, en hún lék á als oddi í Hörpu í gær.

Annar dagur prufanna fer fram í dag og því um að gera fyrir fótafima landsmenn að freista gæfunnar. Frekari upplýsingar má finna á Facebook-síðu Dans dans dans. - áp






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.